Chatterbox Café (圍方)

今日真漢子帶大家到大圍圍方主打新加坡美食嘅 Chatterbox Cafe 試試佢哋嘅素食菜式。😃 餐牌上見到嘅素食主食有星洲雜菜煲配白飯， 素菜炒貴刁，小食就有炸素春卷，香脆薄餅配咖喱汁及蔬菜棒，馬來特色炸豆腐。🌱 真漢子試咗: 🍜 素菜炒貴刁 $112 碟嘢上枱果陣，我同侍應交換一個眼色，想睇下佢會唔會意識到自己比錯咗，佢報以一個肯定嘅表情。於是我問：呢個係腐皮卷？佢答我呢個係貴刁，眼神帶點難以置信有人咁問嘅感覺 🤡。我靜咗幾秒先點一點頭 😨。 事實上係啲貴刁同配料比啲腐皮蓋過哂，要拎開啲腐皮先見到，非常古惑。唔肯定正宗嘅貴刁係點，平時香港食到嘅炒貴刁都係偏乾身，但呢碟就濕濕哋，有啲似瑞士汁炒河。啲貴刁都幾碎幾難夾，想夾起影幅靚相都唔易。😅 腐皮香口但唔算脆，反而咬落有啲煙韌，上面嘅係甜醬油，所以趙落係幾好味，我覺得甚至搶咗貴刁本身嘅味道添。配料有小棠菜，菇，紅蘿蔔。🥬🥕 🥖 香脆腐皮卷 $68 早知貴刁有咁多腐皮唔叫呢個啦，唔講以為食緊一圍「腐皮宴」。大家認知嘅腐皮卷係腐皮包住啲餡料嘅，但呢度嘅腐皮卷真係只有腐皮，好 pure 好 true 😇。味道一般，如果你哋鍾意食腐皮嘅，叫上面個貴刁性價比更高。 🍹紅莓鮮果梳打 $50 有啲士多啤梨，番石榴，菠蘿，味道唔太甜，正常發揮。佢哋仲有好多特色嘅飲品，應該會比呢款飲品好嘅。 如果大家去開大圍想找素可以考慮吓呢間，而對面係「家上海」亦有啲素食菜式㗎。☺️

xo醬蘿蔔糕， 唔知食緊咩， 外表細細粒， 以為肥豬油膏， 食落都唔似蘿蔔糕， 總之難食至極。 同出面食開d完全唔同, 佢質感又唔像蘿蔔糕， 好怪。 食左1／5 就投降， 放棄， 食唔落。 唯有浪費， 未試過咁難食。 此店唔會再幫襯了。

星加坡好受歡迎餐廳Chatterbox Cafe坐落於交通方便大圍站上蓋圍方商場,餐廳主打最正宗海南雞飯,還有其他東南亞美食選擇,餐廳裝修帶有東南亞色彩,環境優雅用餐舒適,服務員招呼有禮。 文華海南雞飯 配有豆腐湯,油飯,薑蓉,辣椒醬和黑醬油,餐廳選用優質雞隻,肉質口嫩滑,再點埋配料好有星加坡口味,油飯不膩,口感軟糯,餐飲有熱錫蘭奶茶。 仁當牛肋條配白飯 仁當牛肋條材料有薯仔和紅蘿蔔,牛肋條口感腍滑,油香肉嫩,微辣,肉味濃,薯仔粉嫩,白飯軟糯有飯香味,餐飲有熱檸水。

晚飯時間大部分餐廳都人山人海 見到依間環境唔錯同埋唔洗點等位就入去試下啦 叫左個2人餐加喇沙同薄餅 海南雞飯個油飯感覺上係白飯加左顏色落去、一啲香味都冇、d雞都算滑身，但完全冇味 香炒河粉燴牛肉簡直令人嘆為觀止！河粉底好似白烚完放上碟咁、而個牛肉汁仲特別、杰到好似啫喱咁同埋剩係得豉油味 雞肉喇沙個湯底杰到好似撈麵咁、個湯底淨係得淡淡咖喱味、第一次食喇沙有咁體驗 成餐飯最正常就係個蝦多士同埋個薄餅、但都係一般貨色 總結就係好難可以喺連鎖店入邊嘗試到咁難食嘅出品同埋佢嘅價錢一啲都唔平、一定唔會再食😵

同朋友喺圍方睇完戲 搵間坐得舒服嘅餐廳 呢度一定要食招牌海南雞飯 除咗主菜 仲有小食同甜品都好吸引 ✨ 文華海南雞飯 海南雞肉滑嫩，雞肉味道濃郁，去咗骨食得方便，油飯香氣十足，油香而不膩 配上三款醬料：辣椒醬、薑蓉和黑醬油，非常香口惹味！仲有附一碗清雞湯 ✨ 香炒河粉燴牛肉 醬汁超多味道濃郁 每片牛肉同河粉都充分入味 啖啖鹹香 唔會太油膩，味道相當豐富

🌟 文華海南雞飯 呢度嘅海南雞飯絕對係必點菜式！雞肉去晒骨，食落嫩滑無比，雞皮薄身仲帶住一層晶瑩雞油，點埋佢哋嘅黑醬油同秘製辣醬，味道層次即刻昇華。油飯粒粒分明，充滿雞油香但又唔會太膩，連埋碗清潤冬瓜湯一齊食，感覺好平衡。呢碟飯喺新加坡已經係極受歡迎嘅國民美食，嚟到香港依然保持超高水準，堪稱全港數一數二最出色、最正宗嘅海南雞飯，海南雞迷絕對唔可以錯過！ 🍲 金湯海鮮泡飯 個湯底真係不得了，金黃色勁濃郁，入口係好香嘅海鮮味，仲帶淡淡嘅南瓜甜香，一啲都唔會死鹹。入面嘅海鮮份量十足，有齊爽口大蝦、新鮮帶子同彈牙魷魚。最正係啲脆米，一倒入去「咋」一聲，浸咗湯底之後半脆半腍，口感超有層次，食完個人暖笠笠，完全係心機之作！ 總括嚟講，Chatterbox Cafe環境舒適、服務貼心，食物質素穩定又出色，無論想食得豐富定輕盈啲，呢度都有心水選擇。

最近去咗大圍圍方嘅 Chatterbox Café，裝修幾靚，坐得舒服又夠優雅，係一個適合同朋友或者家人慢慢傾偈嘅地方～☕️🛋️✨ 🍴😋 金湯海鮮泡飯 用南瓜做湯底，甜甜地，真係好特別～原來係新推出嘅菜式，試咗之後覺得又暖胃又有層次感，好多海鮮，兩粒帶子、蝦、魷魚⋯配埋金湯，味道夾架～🦐🎃🍚 文華海南雞飯 聽講係新加坡超受歡迎嘅地道美食，嚟到香港竟然都可以食到咁高水準，真係有驚喜！雞肉嫩滑，飯香得黎又唔會太油膩！仲送碗豆腐湯，暖胃！🍗🍚

環境輕鬆，風格創新，走文青風 朋友特地和我午餐，輕鬆感滿滿 🍝 素食炒河 一上碟，鑊氣十足香氣衝過來！素吃也吃得好，香濃味，河粉都上色均勻，油光閃閃不油膩。乾身沒油份，口感煙韌，炸肉質感好，。有嚼口，惹味感 🍲 素吃雜菜煲配飯 吸引！原個小砂煲，熱辣辣，有青葵，茄子，雜菇。最棒脆卜卜，飯之靈魂。雜菜吸收醬油和精華，很入味。冬天吃不錯，暖心又暖胃。 ☕ 冰咖啡 午餐後來個快樂，咖啡香濃有特色。咖啡味香醇，奶味香濃，甜度適中，冰涼透心。沒放得太耐酸味，和素吃很配 海南雞飯出色外，店子素吃亦有心思，環境舒服，食物香濃，服務主動貼心，棒喔 📍 小總結： ➡️ 素食款式有驚喜，鑊氣同味道到位。 ➡️ 環境舒適，質素對板。 ➡️ 適合小聚、清淡飲食之日

圍方Chatterbox Café ，呢間被譽為有「星加坡雞飯之祖」嘅餐廳，裝修優雅，木系暖色調加上柔和燈光，感覺舒適。 🐥文華海南雞飯 果然係最出名嘅正宗海南雞飯，雞肉新鮮嫩滑又多汁，雞油香飯粒粒分明又充滿油香。海南雞飯嘅醬非常出色，辣椒醬夠惹味，薑茸香，甜黑豉油就帶出雞嘅鮮甜，真係令海南雞飯味道層次更豐富。 🦐招牌蝦喇沙 上枱時香氣四溢，椰香濃郁，湯底帶少少辣，蝦同魚蛋都吸晒湯底精華，彈牙又入味。 🦐蝦多士 好好食，每一口都脆卜卜，而且不膩口。 🥬素春卷 外皮炸得金黃香脆。

－直聽聞此餐廳在新加坡好受歡迎，最出名嘅係海南雞飯，而在香港做得較出色，有水準的正正就是最正宗的海南雞飯，餐廳環境舒適優雅。我地今晚點左原個鮮椰青、文華海南雞腿飯，以及芝麻鮮蝦多士。文華海南雞腿飯雞肉嫩滑，配上粒粒分明的油飯，加入特製薑蓉與辣椒醬，醬汁平衡得恰到好處，雞皮滑亮而不肥膩。芝麻鮮蝦多士則外脆內嫩，蝦肉彈牙，芝麻香把整體的層次提昇。椰青清甜冰涼，椰香濃郁，入口自然又解膩，是整頓晚餐的完美結尾。

海南雞飯嘅長期粉絲，每次想食嫩滑雞肉同香噴噴油飯，都會諗起Chatterbox。今次試咗佢哋喺圍方嘅分店，一樣保持到水準，冇令人失望～ 叫咗半隻文華海南雞，雞肉真係做到皮爽肉嫩，咬落去啖啖肉，仲保留住微微雞油香，點埋自家製嘅黑色醬油同辣醬，味道層次即刻升華！旁邊嘅青瓜片清新爽口，平衡返口感。 配咗一碗香茅油飯，飯粒分明，淡淡香茅同薑味滲入每粒飯度，單食都已經好惹味，同海南雞簡直係絕配～ 飲品揀咗杯冰斑蘭茶拿鐵，斑蘭獨特嘅清香同茶底好融合，奶味溫柔得嚟又唔會蓋過茶味，冰涼清爽，解膩一流！ 整體來講，食物質素穩定，環境舒服，鍾意海南雞飯嘅朋友可以嚟試下～

今日特意到Chatterbox品嘗其招牌下午茶套餐，整體體驗只能說有待改善。 最影響體驗的是等候時間，落單後足足等了半小時才開始上餐，對於想趁午後時光悠閒嘆茶的人來說，這段等待實在過長，效率有待改進。 食物賣相比較樸實，迷你星洲鮮蝦酸辣湯米粉雖然掛汁均勻，但配料鋪陳略顯雜亂；咖央多士的層次感是可以，但麵包邊緣略乾，視覺上沒有誘人食慾；炸素春卷外皮金黃但略有油漬，迷你雞絲湯河粉的配料擺盤很好，繼續努力。 味道方面屬於穩定發揮：咖央多士的椰香與蛋香平衡得宜，米粉的酸辣度溫和不刺激，素春卷外皮酥脆、內餡鮮甜，咖啡香氣濃郁但略帶焦苦。 整體而言，食物味道合格但賣相普通，加上等候時間過長，建議趕時間要留意。

chatterbox cafe 嘅文華海南雞飯係來自新加坡嘅海南雞飯，夠曬正宗，而且用餐環境整潔舒適，唔怪得愈來愈多分店。 🌖文華海南雞飯 $142 雞件嫩滑，皮薄肉厚，配埋清爽青瓜同車厘茄，色彩繽紛。雞油飯粒粒分明，唔會太油膩，湯底清甜，整體味道唔算驚喜但勝在穩陣，係一個唔會出錯嘅選擇。 🌖蝦多士 $48 蝦膠塗喺整片方包之上，炸香炸脆後再一開為二呈上。如果將方包一開為四，上下夾住蝦膠，餡料份量瞬間變成雙倍的話double 口感會更好。 🔸雙重滋味套餐 $128 套餐揀咗炒蘿蔔糕同埋一份甜品，價錢嚟講都算幾抵。 🌖黑醬油炒鮮蝦蘿蔔糕：蘿蔔糕質感柔軟，蝦仁爽口，黑醬油鹹香味濃但唔會死鹹，加埋蔥花提香，如果加埋少少XO醬或者辣油增加層次會更好。 🌖荔枝刨冰配雪糕：刨冰入口即溶，荔枝清甜多汁，黑珍珠煙韌，整體口感豐富，係一個幾有層次嘅甜品。夏天食一定更爽，但冬天都唔會覺得突兀。

✨文華海南雞飯 一直都知呢間海南雞飯喺新加坡好受歡迎 海南雞飯份量都唔少 海南雞皮爽肉質嫩滑 雞油飯飯粒分明有淡淡雞油香 雞湯清澈鮮甜 整體都可以 喺香港黎講水準算唔錯 ✨迷你招牌蝦喇沙 下午茶餐 雖然係迷你但份量都唔少 喇沙香濃帶少少辣 配料豐富 蝦鮮爽彈 魚片彈牙 豆卜惹味 米線爽滑 ✨咖央多士 下午茶餐小食 揀左咖央多士 多士香脆 咖央醬加埋鮮油 邪惡好味 ✨咸蛋雞翼 新鮮雞翼 外皮香脆 肉質嫩滑 外層沾滿起沙鹹蛋黃 好惹味 必叫推介 ✨熱錫蘭奶茶 奶茶香滑 有奶香 茶味濃 總結：食物可以 環境舒適 卡位坐得舒服 服務好 價錢可以 可以一試

呢日係圍方經過 Chatterbox Cafe 覺得好吸引，依間係新加坡好受歡迎，而最出名嘅海南雞飯，在香港較有水準，做得較出色，是最正宗嘅海南雞飯～入到餐廳，感覺充滿大自然氣息，環境舒適，裝修優雅，可以慢慢享受新加坡美食，好似國外度假一樣！菜式方面，除咗有被譽為海南雞始祖之外，亦有一系列新加坡地道菜，款式很不錯。文華海南雞飯            $148 海南雞飯嘅雞肉鮮嫩，皮薄爽滑，雞肉味道濃郁仲去咗骨，油飯用濃雞湯浸過同埋香料烹煮，啖啖飯粒都香氣十足。另外配備三色醬，用上新加坡出品嘅自家製辣椒醬、薑蓉和黑醬油，以及清雞湯，鮮甜可口。迷你招牌蝦喇沙               $89 呢款特色下午茶嘅迷你招牌蝦喇沙，喇沙好感受到地道新加坡菜色，依度嘅喇沙好足料，當中有鮮蝦、豆卜、魚片、雞蛋、芽菜、蝦乾等，湯頭金黃色，賣相好搶眼，椰香味非常濃，微辣好開胃，米線吸咗湯汁，真的很好味。炸素春卷 特色下午茶配小食一款，春卷炸至金黃香脆，包著鮮爽蔬菜，食起來沒油膩感。餐飲配熱鮮磨咖啡及錫蘭奶茶，散發淡淡咖啡味，甘香醇厚；錫蘭奶茶，口感幼滑，茶與奶調配剛好，不錯。

之前係啟德airside食過一次 感覺唔錯👍🏻 同男友收工後 係大圍圍方見到 又想再encore! 今次叫左個 二人套餐 前菜：【黑醬油炒蘿蔔糕 (半份)】 一上碟就聞到好香! 同平時煎嘅唔同，用黑醬油炒到有少少焦香，甜甜鹹鹹， 入面依然係軟熟嘅蘿蔔糕，好惹味！半份啱啱好，唔會滯! 【文華海南雞飯】 雞肉連皮都超滑溜，完全冇骨，啖啖肉。 雞油飯- 油潤得嚟好香，我同男友都忍唔住扒晒成碗飯！ 仲有齊三款醬（甜黑醬油、勁香嘅薑蓉、辣醬）， 點唔同醬又有唔同風味，正！呢個雞飯幾有水準！ 【白胡椒肉骨茶米線配油炸鬼】 白胡椒味好出，飲落個喉嚨暖笠笠，好舒服。 湯料好足，有啖啖肉嘅排骨、索晒湯汁嘅豆卜同金菇。 碗米線吸晒湯，好入味！ 最正係條油炸鬼，可以就咁脆口食，或者浸兩浸湯，等佢軟身啲又充滿肉骨茶味，兩種食法都正！ 【醬油生菜🥬】 簡簡單單一個菜，醬油鹹鹹甜甜，最正係面頭嗰啲炸蒜，脆脆地，成碟菜即刻香口晒！ 【熱錫蘭奶茶】 食完咁多重口味嘢，飲返杯熱奶茶就 perfect 池！茶味夠濃，又滑，仲唔太甜！

好多人推介呢一間食海南雞飯，令我心思思左好耐😝今日終於嚟食啦！結果真係冇令我失望😍 文華海南雞飯+10蚊可以升級轉雞髀。 海南雞雞髀肉質鮮嫩多汁，保留咗雞肉本身的鮮味🥰搭配雞油飯、醬油小黃瓜，豆腐湯、清爽可口，食落令人感覺好清新❤️三色醬汁（特製黑醬油、辣醬同薑蓉），可以隨著個人喜好調整，食出唔同層次嘅味道。 星洲海南炸豬扒配香米飯 梅頭肉豬排肉質Q彈炸到香濃不乾！ 厚實鮮嫩多汁醃製時加入魚露和青檸汁，香氣十足，伴碟之蕃茄吃起來酸甜的～很開胃 📍Chatterbox Café 大圍車公廟路18號圍方3樓304號舖 港鐵大圍站 D 出口, 步行約1分鐘 #foodiereels #photoofthedays #hkig #food #yummy #相機食先 #打卡 #hkigdaily #香港必食 #香港探店 #香港打卡 #香港旅遊 #香港好去處

約咗朋友大圍行街食嘢，再次幫襯Chatterbox Café:P早前試過其他分店，味道幾出色。大圍分店餐廳貫徹簡潔明亮嘅木系裝潢，配以綠色植物裝飾，感覺明亮優雅舒適:star::music: 叫咗一個二人套餐$358，包括：招牌文華海南雞飯、香炒河粉燴牛肉、油茶、小食，再加兩杯飲品:wow: 招牌文華海南雞，必叫嘅菜式，喺新加坡好受歡迎，香港分店亦做得頗出色，有水準。雞肉啖啖肉，無骨皮薄肉鮮嫩，3款特製的醬汁更是有畫龍點睛效果:like:油飯香氣十足，粒粒分明，唔油膩:yummy::yummy:

呢間新派嘅新加坡菜式我感覺都幾驚喜，叫咗個午餐奶香咖哩雞配白飯同一般嘅咖哩雞飯好唔同，年過雞球包住嘅張都冇滿嘅咖哩味，咖哩汁好香味道好滑配白飯真係一流，仲可以加個小食同飲品，小食叫咗炸素春捲，感覺好似食緊越南春捲咁好正。飲品配咗招牌雪糕日本紅豆冰，椰香味濃鬱好飲。仲叫左個特色下午茶餐，招牌蝦喇沙，呢個喇沙麵嘅味道比較濃鬱湯汁比較少感覺有啲似撈麵，如果下午茶食嘅話真係實在太滿足。加多個小食芝麻蝦多士，夠香脆惹味。凍飲叫咗凍檸水。整體環境舒服未到可以。

大圍圍方真係多好嘢食！今日試咗Chatterbox Café，主打新加坡風味，環境舒服，食物水準仲要好驚喜，即刻同大家分享下三款必試招牌～ 🐔文華海南雞飯 雞肉超嫩滑！皮薄肉軟，蘸埋佢哋秘製嘅黑豉油同辣椒醬，味道層次即刻豐富起嚟。最正係啖雞油飯，香而不膩，同嫩雞一齊食真係絕配！ 🍖鹹蛋黃雞翼 外層鹹蛋黃醬炒到金黃起沙，咬落脆口得嚟又keep到肉汁，鹹香滋味食完一隻接一隻，絕對係送飯首選～ ☕Then Parlan Tia Latte 泰式奶茶同咖啡嘅crossover，茶香同咖啡香平衡得啱啱好，入口順滑，飲完成個人都refresh晒！ 今次試咗三款都咁滿意，已經諗定下次再嚟試埋其他菜式～如果你都鍾意新加坡風味，呢間真係值得收藏！