亞參雞飯 (屯門市廣場1期)

午餐叫了$82肉骨茶唔包飲品，配白飯和一盤不同醬汁和辣椒，肉骨茶胡椒味濃，一字排軟腍，有點肥膏，長形豆卜吸了肉骨茶味道。 $68黑麻油雞絲撈麵，有杯熱飲，叫了熱羅漢果茶。撈麵的熱度不太夠，有點涼了，黑麻油偏咸，較適合重口味人士，撈麵較軟腍，不像外間雲吞麵店的麵底那種爽口。雞絲足料，真的有很多雞絲，十分嫰口。原本在餐單上顯示黑麻油雞絲撈麵有洋蔥、白芝麻和辣椒，我在下單時問店員可否把這3種配料全走，店員說可以，這很加分！撈麵來到時，真的沒有這3種配料 👍🏻另外，埋單免加一。

周末下午茶餐抵到爛！星馬小食三拼先 $49 ！重點係味道超接近係馬來西亞，星加坡食嘅味道。 🔥 必食推介：海南雞飯$48 油香味夠晒足，雞肉嫩滑 🍛 紅茄參巴醬鴨腿摻摻$48 湯底濃郁，鴨腿超腍嫩，仲好入味！ 星馬小食$49三拼： 🥯 椰香咖央南洋包同斑蘭咖央多士一定要試 馬來西亞直送，搽埋厚厚牛油，超正！ 🦐 鳳尾蝦春卷 外層脆到「咔哧」聲，入面鮮 ☕️斑蘭咖啡 香滑濃郁，夠地道 經常都長長人龍排隊，星馬菜 fans 要留意！

今晚同朋友去屯門亞參食飯，我2個人行咗入去得2張吉枱，左邊一張四人枱卡坐，右手邊係2人枱我哋諗住係假期，費事阻住人哋做生意就坐左係2人枱， 但係我哋2個點左個牛骨煲套餐同埋一條魚，我哋低估咗牛骨煲套餐啲嘢，我哋牛骨煲上咗之後，尼度啲侍應睇咗一下我哋啲菜單，話你哋落咗咁多嘢坐呢張枱，唔方便不如轉過隔離四人枱，經過我哋同意之後，隨即幫手轉枱動作乾淨利索，感覺超級窩心！真係抵讚👍🏻 啲嘢食都正😋牛骨煲配半隻，簡直絕配👍🏻

Tea都係迷你飯 見咁多人今咖央就試下佢 有啲失望係淨係得牛油味😅叫牛油多就差唔多🥶 飯就冇乜特別啦，下次都係食海南雞飯 應該正常啲 薏米水就幾好，有啲薑，暖笠笠👍🏻

今天係週末同老婆去屯門探外母，我哋去屯門亞參吃晚飯，之前我哋都經常幫襯佢哋奧海城嗰間亞參，尼間都係第一次來，餐廳雖然裝修雖然有少少舊但勝在乾淨企理，坐落去感覺舒適 呢度嘅服務質素都超級好！我外母坐輪椅嗰個侍應帶我哋最入邊嘅坐位，順手搬開坐椅方便我哋擺輪椅，我哋坐低左好快有侍應攞咗四杯水仲提醒小心水熱！ 我哋叫咗藥膳豬骨煲A餐，豬骨煲配海南雞半隻仲有馬拉盞通菜同埋小食拼盤仲有兩杯野飲先$258超級抵食！藥膳豬骨煲味道香濃，加上肉貭一點都唔會油膩，我哋連湯都飲埋😋海南雞更加嫩滑👍🏻

今日去屯門行街。記得有間亞參雞飯。食過幾次好好食。今日再去食下。我一同5人黎到，見到門口有幾個人排隊。仲有可能我哋五個。所以可能要等耐少少先有位。但排隊途中見到有新野食，藥膳豬骨煲。好吸引。之後我哋五個就叫左個二人餐大家試下。再叫其他野食。點知我哋無諗個二人餐份量甘多。我哋仲點左一隻豬手，一個喇沙同一個蝦面。因我哋五個人有二個係女士。所以我哋真係食唔哂。之後就打包喇。 一定要讚下個豬骨煲。真係好好食。入面有四件豬骨同豆腐，好入

呢間亞參間唔中會去，一定係食海南雞飯，真心好食，我好欣賞依間餐廳啲同事，好勤力，同埋啲員工成日都面帶笑容番工，令到黎食嘢既人都會好開心。可以依個都比較大喇。。都有好多sales黎食下午茶。有時都會見到啲員工同戲啲sales傾下計。大家交流下。👍🏼

超級值下午茶餐😋 今日約咗客戶係屯門阿參傾嘢，我哋2點半到下午茶餐大嘅等咗5分鐘就有得坐低。 我哋叫咗一份海南雞飯同埋鴨腿滲滲，海南雞雞肉滑嫩👍🏻鴨腿滲滲加埋杯嘢飲先$38蚊👍🏻仲有咖吔多士鳳尾蝦春卷兩款雙拼先$39蚊扺👍🏻咖吔多士夾住牛油塊都可以做到鬆脆認真冇得頂。 我哋差不多食到七七八八我見個咖央多士仲未到，佢哋員工見我望住廚房方向，即時拎出部落單機睇咗吓再望下我哋枱面，先生你好！你哋咖吔多士仲未到吧！我即刻同你跟返，跟住好快就攞住碟咖吔多士出嚟，講真尼的反應同服務質素超級細心、窩心！

依家啲香港人流行北上消費，而本人卻覺得香港人應該支持經濟、振興香港。 今日我同老公湊住女兒去屯門亞參環境舒適，加埋員工夠晒貼心，見到我推BB車就即時問需要B B櫈嗎？跟住安排我哋係可以擺放B B嘅枱俾我哋所有安排都超級細心！👍🏻 99.9分嘅海南雞當然要試吓啦！我嗌咗海南雞飯同檳城蝦面，海南雞口感嫩滑，果然名不虛傳99.9分，蝦面入邊最正係感五花腩肉超級惹味，湯香濃正😋熱斑斕咖啡同埋熱美祿，斑斕香濃可口很有特色，女兒一碗蝦面差唔多食晒，佢沒試過一次過食咁多嘢😋

好耐無係屯門食晚飯，之前朋友一直推介亞參豬手飯，終於黎到一試～ 之前多數黎食tea, 豬手飯一直唔係我選擇範圍內🤣 而家原來有個雙拼小食都幾抵！39蚊揀2款都好飽:yummy: 豬手飯估唔到咁入味:yummy::yummy:有d少肥但個豬皮勁林勁入味，d肉都好林，加埋d汁直頭清碟食晒d飯:mad::mad: 叫左兩款小食鳳尾蝦春卷同斑蘭咖央多士，俾足份量上枱:excited: 開頭以為雙拼得每樣兩款，點知上枱有驚喜🤣 另外叫左杯凍美祿，可惜比較淡唔夠濃，美中不足！:yuk: 員工都幾快手同有禮貌，之後屯門食晚飯又多個選擇～

系屯門做完嘢見仲未到6點，搵個下午茶食吓，見呢間仲有下午茶，價錢都合理就入去叫咗一份馬來咖哩豬扒撈麵，$46，另外加咗杯特飲，柑桔特飲。 講返個撈麵，個咖哩汁幾好味，有啲辣，如果覺得吾夠辣，仲可以加羹匙上既辣椒油，我就無加，豬扒就正正常常，有條秋葵，靠咖哩個汁先有味。另外個麵完全無味，好似用滾水淥熟就放上碟，完全系靠個咖哩汁，撈勻食個麵都係麻麻，啲麵比較淋。 個麵就一般，不過佢呢杯柑桔特飲又幾好飲，可能天氣熱，呢杯嘢飲好解渴，酸酸甜甜，好醒胃。

今日同咗幾位朋友一齊食下午茶，依家下午茶都幾抵食，價錢唔太貴。餐廳又唔使排隊，所以就揀咗呢間餐廳。 我就叫咗個馬來咖喱雞撈麵，咖喱幾辣，配料有馬鈴薯，無論雞肉定馬鈴薯都非常入味。面嘅份量唔多，麵質幾好。食完個麵都唔會覺得好飽。再加埋啲小食，食完先夠飽。 叫咗兩個小食，分別係椰香咖央南洋包，一塊包切開四份，每份上面都有一小舊牛油同椰絲，食落好香，充滿椰子同牛油嘅香味，口感好脆口，幾好食。 香烤豬肉串 一份有三串，味道幾惹味。

今日同阿媽第一次去咗屯門亞參食海南雞飯，環境有東南亞風格感覺舒適，我哋坐低叫一份海南雞同埋喇沙米線、仲有一杯凍薏米水同埋凍柑桔，阿媽唔小心倒瀉咗杯薏米水，餐廳員工第一時間拎毛巾走過來清潔，阿媽係咁話sorry，個姓丁嘅員工很有禮貌哋話冇事之後又從廚房攞咗一杯新嘅凍薏米水，感覺好親切真係要俾個讚👍🏻

很久以前幫襯過此店，今天三人久別重來，見下午茶主打幾款食品在北上潮中救市，定的價位不錯下姑且試試。 第一是店子慳成本冷氣不夠，作為了一個壞的開端，先叫了下午茶signature dish $38的鴨腿掺掺，來到的米粉溝麵頗有口感，鴨腿炆得軟糯味佳，湯底稍欠香料偏鹹，份量卻適中得體而個別合格。可惜是，加單叫的咖喱雞撈麵($46)恐佈得至極，除了個汁有點可取外，用的雞球乃炸到過火的頭頭尾尾又骨多肉少，正是食之無癮棄之可惜吧，令此餐整体失分到唔合格，還望救市救得咁Hea嘅這店老闆要好好檢討一下將貨就價之虞(或愚)。

落單後 服務員話要等20分鐘先有黃飯 無問題 同服務員講可以上左小食先 叫左3個小食 蝦春卷：食左2件，正常，但有啲油膩 多士： 夠脆口易入口 豬肉串： 有豬味 海南雞飯： 無緣 所有小食食完，又等左半個鐘 問一問呀姐啲飯煮好未 話等多一分鐘就黎煲好 再過10分鐘問多次，呀姐話再等一等補救緊 等左一個鐘都未有飯上 又見到遲入黎食客都走埋 只好賣單 去到收銀枱 賣單呀姐話個飯煲壞左 仲諗緊自己有冇聽錯 坐收銀枱旁的食客亦開始追問幾時會有飯:like: 唔阻大家交智商稅🫣:frustrated:

亞參雞飯一直都係我心目中排名名列前茅嘅連鎖海南雞飯，今次就來試埋海南雞飯以外嘅食物先～ 新加坡喇沙米線💰HK$81 材料好豐富，有蝦、魚片、雞蛋、豆腐卜、芽菜、通菜等等、充滿椰香同埋辣椒嘅香料味，惹味開胃～ 新加坡肉骨茶💰HK$86 雖然舊排骨炆得耐有啲柴，但呢個肉骨茶湯底濃淡度剛剛好，味道鮮甜得來帶有輕輕嘅藥材味，好飲又滋補～

依間連鎖店有驚喜喔，晚市食飯竟然唔洗加一服務費，坐去又舒服，全部都係卡位，正！ 🐔亞參去骨海南雞飯 配雞香飯及清雞湯＄89 招牌菜！ 份量都算多，肉質滑捋捋，雞香飯，食得出用香濃嘅雞煨煮，好入味！一啖飯一啖雞，不知不覺就食晒成碗飯。 🐮馬來咖喱牛腩飯 $79 又係開胃飯餸，牛腩煮得好淋，有香茶去除左牛so味，咖哩亦都有小小微辣，汁又夠多，用汁再配上牛腩，送飯一流！ 小食 $39/2 $49/3 心大心細嘅人最適合有呢啲選擇，我最後揀左49蚊拼三種小食，開頭以為每款小食得2-3舊，黎到點知，原來真係跟翻原先嘅份量。 🦐鳳尾蝦春卷相對其他小食，較為減分，蝦嘅大細較為細隻，好似食空氣。 🍞斑斕咖央多士，切咗四份，牛油喺角落頭，亦未溶化，如果牛油位置喺中間，相對較好。 🐽香烤豬肉串，外貌睇落去乾巴巴，但味道異想不到，好似食緊雞腿卷，好Juicy😋

約咗屋企人去食開咗好耐嘅亞參雞飯。 12:15 到，大把位。 我叫了海南雞飯，雞肉有啲鞋唔夠滑，啲醬料薑唔夠薑蓉味，辣椒醬又唔夠，水得滯。 個女叫馬來咖喱豬扒撈麵，咖喱甜既？但辣。 老公叫檳城紅茄參巴醬鴨腿油飯，個酸菜辣但很好味！紅茄參巴醬似梅子醬？鴨腿好乾，好似臘鴨髀。 仔個雞絲扎肉湯河，因為佢唔想食米線，好清淡，扎肉原來有黑椒辣嘅。 家姐食星加坡喇沙，冇得揀摻摻，只有米線，好彩佢個米線都OK夠韌，都好辣，味道都OK。 明爐酸辣亞參魚$78，加$20升級有一個白飯同嘢飲。見人人推介，叫來吃，口感還好，只係冇什麼特別。 我哋個餐只需加$10都有嘢飲，不過大家諗住食完出去買嘢飲，所以都冇嗌嘢飲。只係我加凍嘅白咖啡，加$10，少甜都好甜，而且個咖啡好似好渣，唔夠香，個女要拉茶，佢冇乜評語。 1:00 食完出嚟門口埋單，諗好咗用信用卡，點知佢唔收信用卡！只收支付寶及微信支付或八達通！最後用八達通付款： 1 亞參去骨海南雞飯89.00 跟清雞湯 南洋咖啡（凍）（餐）10.00 少甜 1 明爐酸辣亞參魚（原條）配98.00 白飯 馬來拉茶（熱）（餐） 1 馬來咖喱豬扒撈麵76.00 1 新加坡喇沙米線81.00 1 雞絲扎肉湯河69.00 1 檳城紅茄參巴醬鴨腿油飯$69.00 總計492.00

夜晚8點幾去堂食，叫咗個叻沙湯麵、魔鬼魚同雞肉撈麵，價錢唔算平，味道一般但係唔難食。魔鬼魚$98，冇配其他嘢，份量本身唔大，所以偏貴。叻沙配料少，蝦只有三條左右，除咗豆卜之外，無其他主要配料。呢方面要向吐司工房好好學習。 但係侍應態度差，魔鬼魚超過半個鐘都未送黎，催咗都要再等十幾分鐘先到。侍應送嘢食過黎就咁擺低，冇講送咗d咩，同客人冇眼神接觸，送完就走。比錢嗰陣，收銀個阿姐冇乜禮貌，冇解釋清楚有咩比錢方法可以用，話比我聽唔可以用信用卡個陣只係敷衍指住其他支付選擇嘅logo。失望！

朋友聚會 指名想食雞飯🐓 所以揀左呢間多區有分店既聚會🥰 招牌海南雞飯 雞份量多 肉質OK! 油飯好香 蘸雞辣醬出色 係靈魂👍🏻 蘿蔔雞湯鮮甜 保持質素😌 馬拉肉骨茶 朋友成碗食曬 評價不錯 足料 肉煮得夠淋身 豆卜吸收曬湯既精華 辣椒通菜 惹味好食 通菜幾嫩😆 實物份量比相更多 欣賞汁醬放旁邊 方便唔食辣既朋友都可以一齊食🫶🏻 咖央多士 記得以前係好好食的 但今次有啲失望 因為落到枱多士凍 牛油溶唔到 成件事都係凍😐凍咖啡 啡味夠 不錯👍🏻 地理位置方便 午市有優惠價配小食 地方寬敞坐得舒服