登入 後撰寫評論
今日（29-11-2025 Sat）晏晝，同老公去回收物資食晏， 見都接近呢頭，於是又去老公想去嘅food court食第二啲嘢 ，我哋嚟到，我先睇睇有間食點心嘅，但諗住翌日我哋會同老公姑媽飲茶，所以唔食點心，米線呢？我見係酸辣湯，我驚辣所以唔敢買， 而呢一間食西餐嘅， 就睇睇，價錢唔平， 我唔太肚餓，就要$58.00嘅熱狗配沙律或薯角，因唔想食熱氣嘢，所以我揀咗沙律，飲熱奶茶。 等咗7分鐘，所有嘢都齊， 熱狗就係簡簡單單嘅茄汁番茄青瓜，腸應該係司華力腸？食落就係正常嘢，個包冇烘過。 沙律係雜果沙律，一食都幾凍吓，普通正常冇問題。 3分 熱奶茶一飲就重奶味，茶味好淡。 1分 之後食埋老公嗰份餐，就決定買埋佢嘅甜品， $36.00嘅芒果千層。 唔算細件，有好多芒果肉， 食落， 芒果肉juicy但唔甜，亦冇乜芒果味 ；忌廉唔算滑但味道有啲奇怪； 蛋皮都冇乜問題。 1分 服務： 會問要唔要砂糖，買芒果千層時問要幾多支叉，我要杯水都樂意俾，亦會問要熱定室溫。 抵食係2.5分
最近朋友們生日，因為幫襯開Tong's Kitchen, 食物一向有水準，就試下訂埋佢個蛋糕。 :yummy:第一次食 Tiramisu, 好香咖啡味，同埋有餅底，唔會個底濕笠笠，係高水準之作！ :yummy:之後食過番尋味，第二個Friend 生日，就訂佢招牌法式芒果千層蛋糕，我地第一個反應係：「嘩！好大個呀！」切開又「嘩！好多芒果！好足料呀！」真係，芒果甜，用料郭新鮮！用心制作！ :flower:好滿足！因為之後我地又 Encore 呢個蛋糕，決定 Post 出來推介俾大家！壽星女仲訂左個榴槤千層返去食，太大個，分左俾鄰居阿姨食，阿姨仲話好食到飛起！ :yummy:另外，同事推介我食紅酒燴牛尾，牛尾無乜肉，但夠腍，個汁一流，配飯會更正！
上次嚟呢個 food court 其實係想幫襯呢間，但因為星期一係休息日，摸門釘，今次星期三無問題了。 晚市六點開門，未陪鐘已經有三組客人排緊隊。 焗鮮茄豬扒飯+熱菜蜜（$60） 點餐、俾錢買飛、等叫號，足足等咗30分鐘先有得食。 賣相不錯，焗得好靚，面層芝士微燶。份量足，除咗一大塊豬扒（已預先切開），仲有不少蕃茄、車厘茄、菠蘿。豬扒厚薄適中，醃味不錯，肉質亦腍身唔嚡。茄醬調味剛好，酸味甜味平均，而且醬汁夠多可以撈哂啲飯。飯底有點可惜，係普通白飯，並唔係炒飯底，好在夠乾身。熱菜蜜正常。
樂悠居 Food Court 中，這家西餐性價比高，用心製作，食材新鮮，樣樣都好出色！ :yummy:焗豬扒飯好大份，好足料，勁多芝士。 :yummy:焗吞拿魚長通粉，好多吞拿魚，個汁剛剛好，熱辣辣，好食。 :yummy:豬扒配沙律，豬扒好大塊，仲可以配唔同既汁，我揀左粟米汁；沙律係什果薯仔沙律，好有茶記Feel. :yummy:鰻魚飯，有滑蛋同木魚絲，個飯剛剛好，鰻魚算大塊。 :flower:驚喜係呢間小店仲有蛋糕，今次食芒果乳酪蛋糕，幾清新。 唯一唔好係太多人食呢間，佢地即叫即做，人多時要等半個鐘到45分鐘先有得食。好在呢個Food Court 幾多位坐，環境唔錯，可以坐住慢慢等。
荃灣楊屋道樂悠居商場本來係一個死場，疫情後來一個大裝修變咗一個food court，改咗名叫樂悠circle，本來真係唔係太睇好，附近雖然有屋苑但人流唔算多，但food court又似乎搞得有聲有色，開咗差唔多一年而家幾乎全部舖位都租出，我自己就特別鍾意呢間tong's kitchen，鍾意佢嘅簡便西餐，今日就試咗件炸魚柳加雜果薯仔沙律，係好傳統嘅茶餐廳式沙律，兒時嘅感覺返曬嚟，價錢唔算好平，咁嘅質素叫做對得住個價錢，個food court又好好坐,坐幾耐都冇人趕，但夜晚人流真係少，午市就都幾好因為附近有工廠多返工客，禮拜六日就好慘淡，希望佢哋越做越好，畀附近街坊多一個選擇。
已經幫襯過幾次，因為即叫即整兼且好味所以再返轉頭。是誠意小店。平時見Lunch time 都多人叫，要排隊買飛。 上次嗌黑椒汁雞扒意粉，今次叫咗焗豬扒飯， 其實之前已食過幾次😂。份量大又唔會焗過龍所以唔會乾身。 嗰茄底好香，蕃茄同波籮都鮮味。唔鍾意芝士嘅可以走芝士的。 如果佢哋甜品做返抹茶千層就仲好。可加$ 叫埋沙律的。沙律方面如果再加d蛋同青瓜多d咬口就更好，淨薯感覺好似好heavy / rich 。 $60 仲連杯凍飲，性價比好高喇又好食👍🏻。
樂悠居1樓food court 開左幾間餐廳，呢間係性價比比較高，選擇比較多，食物水準高，仲要價錢唔貴，唯一嘅缺點就係食物要比較耐！ 烏冬，我食過幾款，都比較常點！烏冬彈牙，而且佢有好多嘅蔬菜配搭！最鍾意裏面嘅一口番薯！ 焗肉醬意粉，就我老公比較鍾意食！因為即叫即焗！加埋飲品$57！ 豬扒豬仔包配沙律$52 豬扒入味同鬆軟，都易入口，豬仔包就烘到好脆！ 波斯貓都好好飲 另外扒餐都好好味，加錢轉薯角，真係好吸引！我試過兩次叫扒餐都有路人問我係邊間買🤣🤣🤣不過我淨係放Ig photo冇另外影，所以無得post! 總括而言，如果唔怕等得耐，呢一間真係一個好選擇！
份量夠大，性價比高，最緊要係好食😋 食物味道適中， 🍱主食：吉列魚柳意粉配粟米忌廉汁🍝/雙併扒飯配粟米忌廉汁🍛/吞拿魚焗芝士長通粉🍲/吉列魚柳牛角包🥐 唔會太咸或太淡，份量大，男生食完飽住走，幾個女生可以開心share😁 🥤野飲：凍朱古力/凍奶茶/凍利賓立 足料，唔係好淡渣流灘果啲 🍰甜品：千層蛋糕🍰 有驚喜！好多芒果，唔酸，cream打得好細緻，好滑，無漏嘅感覺，食完唔會有飽滯感👍 :king:Food court暫時都可以比狗狗入，坐車仔會比較好:like:
