鋒記小炒王

天氣凍就想食大排檔，今日嚟到筲箕灣 搵到鋒記小炒王，唔係好多人，就呢間啦！ 胡椒豬肚湯😍天氣凍就係食呢啲 眼見好多人都食胡椒豬肚雞煲， 我哋就叫咗胡椒豬肚湯， 等咗20分鐘終於有啦☺️ 份量雖然冇想像中咁多， 但係我哋兩個人飲就啱啱好 味道非常濃郁，湯底已經煮到奶白色， 胡椒味非常突出，食得岀用新鮮豬肚， 豬肚非常腍滑，亦都有成十幾舊豬肚， 非常足料👍🏻💯 黑椒牛仔骨煮得非常惹味💯 平時食黑椒牛仔骨有時個汁會太鹹， 但呢個剛剛好，帶少許甜味😋 牛仔骨即使掛住汁都食得岀邊邊有少少脆， 食得出廚師有心機先煎香咗啲牛， 牛油味非常香😍 仲有海鮮雜菜煲， 呢個就比較似家常屋企煮嘅，搭配清湯， 入邊有兩舊魷魚，兩隻蝦，仲有一堆蝦乾 欣賞用料好豐富，有唔同嘅菜， 芥蘭、油麥菜、生菜、西蘭花都有， 仲加咗啲薑落去煮，食完真係暖笠笠🥰 後記： 除咗一開始等上菜有啲耐， 伙記有啲啲惡之外， 其實嘢食真係好唔錯😍 下次可以試吓打邊爐😋

之前冬天黎食一次羊腩煲 當時聞到隔籬枱食胡椒豬肚雞 超級香 所以今次黎試一試佢 今晚好少人，唔使等位 我哋兩個人嗌咗半隻胡椒豬肚雞煲 雖然只係半隻 但入面有好多雞塊 我唔食豬肚 但男朋友話好味 而且都仲有好多舊 另外仲加咗碟肥牛 我哋冇叫特別靚嗰款 但出到嚟都好好味，唔算多肥膏 好抵食 仲叫多咗個墨魚滑 呢個真係好味 入面仲有啲墨魚粒粒 個湯咁好味，就梗係要叫個娃娃菜吸湯 煮完之後超好食 腐皮就正常 不過呢度嘅份量都算大碟 上枱之後仲好細心叫我哋煮多一陣先飲個湯 打邊爐，值得推介

不經不覺，成為了鋒記的常客。這間小店的食物味道一流，有鮮味及帶勁的胡椒豬肚雞，亦有足料及味濃的自家制韮菜餃，也不能錯過奇味雞煲，避風塘魚脯及各式小炒。在鋒記，與朋友吃飯飲，實在爽快。:like:

幫襯咗鋒記接近10個年頭，差不多每次都會例點老闆娘當天新鮮包製嘅炸私房韮菜豬肉餃:like::like::like:，再叫一窩地保魚蠔仔泡飯:like::like::like:浸黎食（感覺似去鳳城食上湯炸粉果，正呀！），每隻餃都勁足料，炸得金黃又賬卜卜，不用點任何汁醬都夠味道了。而蠔仔泡飯嘅“蠔仔”次次都很飽滿同大粒，似乎店家同供貨嘅海鮮批發有一定嘅交情，所以將最靚嘅蠔仔都留俾鋒記:wow::wow:。 店名叫鋒記小炒王，當然煎炒煮炸嘅菜式都係老闆嘅強項（當然各款雞煲尤其係胡椒豬肚雞煲都係主打，目測有9成客人都有點雞煲同打邊爐嘅生料，如果我果枱都食得到我都會點呀！）。 私心推介蒜香牛油雞翼:like::like::like:，水準同味道絕對拍得住舊時係銅鑼灣嘅清亭越南餐廳，有口皆碑。老闆同大廚係同1人，所以出品水準穩定。

鋒記小炒王，位於筲箕灣一條小巷之外，區外朋友需要花點心力，相信才可以找到餐廳所在。 餐廳過往以小炒為主打，近年亦開始有火鍋菜式，以迎合市場需要。 椒鹽骨，可以說是失敗之作，外皮軟林，口感極怪。 椒鹽鮮魷，為餐廳取回不少分數，外脆內軟，味道合適。 干扁四季豆，比想像中辣，帶有川菜風味。 肉碎蠔仔粥，賣相略遜一籌，然而味道可以，蠔仔亦算新鮮。

絕對係中伏之選！:huffy::huffy::huffy::sick::sick::sick: 見到間野都幾滿座人氣都幾旺，咁就決定試下。點知極度失望極度難食。 首先坐低等左成粒鐘先有野食。。。中間都催過幾次，侍應姐姐都幾好態度，每次都話唔好意思，但係就係卑唔到野食咯。。。 等著勁耐後終於有野食，但係個啫啫雞煲都真係好唔香又好唔入味，呢味餸都真係幾難差成咁，完全唔知點解要煮咁耐。雞件好少，大概兩大件雞胸啦，但係雞頸同骨位就好多。。。 通菜就都夠大份，不過都唔係好入味但係又偏鹹。 絕對唔會再幫襯:dislike::dislike::dislike:

這間店幫襯多年味道一直保持不變 最出色的當然是胡椒豬肚雞煲 聽老闆說胡椒是每天新鮮炒的，加上三黃雞及洗得乾淨的豬肚，成就一煲美味的胡椒豬肚雞煲 就算在冬天吃，也會食得滿身出汗，十分過癮 品嚐完濃郁的湯後，可以用餘下的湯再加水打邊爐 還有必點的就是每天老闆娘親手製作的韭菜餃，每隻也分量十足，吃兩隻已經十分飽 另外每台必點的就是小炒王，配料有韭菜，蝦乾，魷魚乾，菜脯，腰果等大火猛炒，下酒一流👍

開始轉涼就想食啲暖粒粒嘅野，上網打羊腩煲推介，就見到有人介紹鋒記，即刻去試一試！間舖有啲偏僻，係細巷仔到，同埋有啲暗，搵路要花啲心機。 兩個人叫左個羊腩煲食，問左老闆娘話無大細分，只得一個size，但話兩個人會食得哂🤓 羊腩煲收時令價，$338蚊包一盤生菜，唔算平，但勝在足料好味，應該3-4個人食都無問題🤓 配料都幾多，有枝竹，冬菇同筍😋 冬菇用料幾靚，但應該係分開煲嘅，所以冬菇食唔到有羊腩煲嘅味道😕 所以建議冬菇同枝竹都煲一陣先好再食！ 不得不提係佢地服務好好，老闆娘提醒我地食果陣要得閒攪下個煲，費事會燶。係我地食緊嘅時候，都會主動黎幫我地攪下個煲，整細啲火，同埋加湯🤓 啲羊腩處理得幾乾淨，最怕係羊皮有毛，但哩間完全無哩個問題🤓 仲唔會有碎骨，值得一讚👍🏻 食食下見隔離枱上左碟豉椒炒蜆，見炒得幾靚，都忍唔住叫左碟😋 上蜆果時會比會比個大碗你放殼，都幾細心！啲蜆嘅大細都幾唔同，食食下會搵到幾粒好大嘅蜆肉。碟蜆好夠味，份量都幾足，最緊要係無沙！$78嚟講值得一試😆 最後兩個人都係食唔哂個羊腩煲，要打包走。整體嚟講，服務幾好，食物足料好味，但衛生環境有待改善，因為臨走果陣見到舖出面有隻小強😕 期待下次再試佢其他嘢食🤓

香港🇭🇰 Hong Kong style PEPPER pork belly 🐔 soup! 天氣如果涼涼地, 其實好適合揀返個胡椒豬肚雞煲暖暖個胃。 《食評》 今次去到港島筲箕灣既鋒記小炒王！鋒記既胡椒豬肚雞煲應該係全港最重胡椒既一個湯底, 雖然係有味精, 但個個都爭住飲湯。鋒記比較出名既除左湯底之外, 招牌小炒王同避風塘小炒亦都係拿手小菜。今次仲試埋老闆介紹既韭菜煎餃, 非常可口香脆！ ●驚喜菜式: 胡椒豬肚雞煲 ●綜合評分:  1. 湯底: ★★★★★ 2. 食材: ★★★★☆ 3. 環境: ★★★★☆ 4. 價錢: ★★★★☆

Delicious Chinese street style food famous in Chicken & Lamb Pot and The home made dumpling. Everything’s on the menu are yummy. The only problem is the long queue during rush hour and the dinning area is not too comfortable. It’s a must try place if you are willing to explore a new spot. It’s at the back alley from the main road so a little bit hard to find for the first time.

還記得佢哋一開店嘅時候， 任何一樣餸都係超級大碟， 呢度又好。 但係呢一排好似質素有所下降。 好多餐廳都係咁樣， 做好咗個名聲質素就開始下降， 嘢食有細碟左。 希望可以做返以前嘅水準。

朋友推介要黎呢間試，我們一行7人黎到，位置有點偏門，我享筲箕灣讀左7年書都唔知有呢條小徑，大家搵路時要睇清楚！:o 我們叫左:chopstick:： :music:胡椒豬肚雞煲:like::like::like::like: 我覺得胡椒味可以再濃d! 姐姐都有提我們d雞已熟，好細心:heart: :music:自家制響鈴:like::like::like::like::like: 唔係出街買一盒個種！正呀:smileheart: :chopstick:自家制魚皮:like::like::like::like: :music:超足料餃:like::like::like::like::like: 我們叫左3round :heart::heart::heart: :music:避風塘魷魚:like::like::like::like: :music:黃金豆腐:like::like::like::like::like: 超正超好味，一定要叫 :chopstick:奶油大蝦:like::like::like: 可能是因為我剛剛從沙巴回來，沙巴的味道是更好吃的！但在小店能夠食到奶油大蝦，真的很驚喜！ :chopstick:蒜頭炒芥蘭 總括來說，小店食物美味，鑊氣很夠！而且非常之抵食！:smileheart::smileheart::smileheart::smileheart::smileheart::smileheart::music:誠意推薦各位再去

今日一大班人去食個飯,有人想打邊爐有人想食炒野,所以選左鋒記小炒王 埋位有人已經做左功課話胡椒豬肚雞煲係要叫,同埋韭菜餃 胡椒豬肚雞煲--真係好香口,勁有胡椒既香..隻雞係新鮮雞,真係食到佢既鮮,冇雪味,豬肚都OK 食完就放湯打邊爐,先講左打邊爐D野再講小炒 韭菜餃--入面漲晒滿滿既料,韭菜勁香,一流 牛頸脊--都好香牛味.不過少少肥 豬血--好一般 到小炒喇.,有啫啫通菜,蒜香骨,椒鹽豆腐,小炒王 啫啫通菜--唔夠香口,味比較淡身 蒜香骨--普普通通,好彩有蒜香補返 椒鹽豆腐--太乾身,有D柴皮FEEL, 小炒王--好正,好足料,加埋個配合一口食落肚一流呀

人的口味可以如光譜般變化多端， 喜歡川菜、 越菜、 日菜、葡菜的同時，星洲菜、西班牙和馬來西亞菜也可以是您的至愛! 不過假如所指的 Comfort Food 那定有大不同了! 泰式炒蜆 HK$68 首次來到「鋒記」，發現每檯客人都少不了ㄧ個胡椒豬肚雞㷛，可是我不太吃雞， 加上天時暑熱，近半年來又常外出用膳， 以致清簡的小菜成為自己的 Comfort Food! 可是在「鋒記」的餐牌𥚃 ，大多是惹味和煎炸的菜式， 家常小菜不多，唯有遵從老闆娘的推介! 泰式炒蜆惹味，微辣中帶小甜，容易入喉， 而我最欣賞是爽嫩的蜆肉，每粒蜆肉也呈現「脹卜卜」的狀態，口感水盈、味道鮮甜， 可見大廚在拿捏火喉和控制蜆隻熟度的功力! 黃金豆腐 HK$68 第二道菜是黄金豆腐。這是「金鋒記」的名物！ 長方形的炸豆腐滿佈熔岩般的蛋液，遠看還以為是西多士，原來外表邪惡、內在善良，令人又愛又恨的鹹蛋黃與豆腐！ 黃金豆腐 鹹蛋黄香氣豐郁 ，質感如泡沫般綿潤幼滑，鹹蛋香貫透皮脆內軟的豆腐，令人欲羆不能的邪惡的滋味！ 泰式烤烏頭 HK$148 沒有蒸魚，採納老闆娘的建議，要來泰式烤烏頭！ 泰式烤烏頭 烏頭散發出清香， 掀開金黃的魚皮， 內層的魚肉不單吸引了清新的香草味， 鹽份更入味均勻 ，且保留細滑的魚肉，水準ㄧ流！老闆娘透露「鋒記」以前經營泰國餐廳，怪不得餐牌裡有不少的泰菜，由此證明泰菜是值得ㄧ試！ 蒜蓉菜心苗 HK$60 青菜要來了簡單的蒜蓉炒菜心苗。菜心苗沒有怪異的菜腥，質感還不錯，香甜爽嫩，也是滿意之作。 私房韮菜餃 HK$58 老公看到私房韮菜餃， 老公忍不住要來ㄧ試，韮菜餃可選煎或放湯，我們選了後者！ 私房韮菜餃 湯底充滿麻油香，甚有生菜魚肉的風味。而韮菜餃包得飽滿，皮薄軟滑，韮菜比例約佔七成，富有ㄧ種獨特的甜香， 不過我較喜歡爽口的韮菜， 略嫌韮菜過於軟腍！ 初嚐「鋒記」，見識到其獨到的廚藝， 餐牌若可多添ㄧ些家常菜和老火湯選擇 ，相信我們不用等秋冬季才品嚐雞㷛，大可經常開飯去了！不過，話得說回來，「鋒記」的捧場客真不少，必須提前訂位！

位於後巷既鋒記，我諗都要係筲箕灣街坊先識搵到黎呢到去食。。我地3個人book 左9點，去到就淨係得番我地book 左既果張枱，好彩有book 位，因為見到10分鐘之後有人黎，但無book 位，都無位可以俾到佢地勒，陰公。。。 我地先叫左個胡椒豬肚雞煲，加大腸。。個煲黎到，未等佢滾我地已經急住要試左個湯底先。。因為呢個煲既精粹一定係湯底。果然，個湯底勁正，初初飲既時候，都唔算好辣，但d胡椒愈煲愈辣，雖然係夏天，但對於中2辣野既我地黎講，簡直係正呀。。 d雞其實唔係特別有雞味，但亦唔係鞋sap sap果種，加上個湯底補救番，所以絕對值得俾個Like 佢，個湯飲到停唔到口，搞到好似係去飲湯，而唔係食雞咁。:mad: 差唔多食曬d雞之後，我地再叫左韭菜餃，響鈴，同埋竹笙。 響鈴居然係新鮮即炸起，有d油，不過好脆口，絕對有誠意，唔係好似外面好多間打便爐店咁樣，勁un，咬極都咬唔爛。。 韭菜餃都係一試就覺得不得了，皮薄涵多，一碟8粒，我一個fd 自己就食左4粒。。 至於竹笙都唔錯，不過不失。。

老公鋪頭洗冷氣，洗完已晚上11點多，在筲箕灣附近的飯店已收得七七八八，只有峰記小炒王收凌晨兩時，就六人去開餐。 我最喜歡吃他們的胡椒豬肚雞煲，來到時滾五至10分鐘，先喝湯嘗一嘗，真好味:yummy:。跟着再打邊爐，叫了牛頸脊和生菜打邊爐，牛味濃郁，還叫了些小菜伴酒，椒鹽魷魚，雖然外皮不算太脆，但吃落肉很軟味道也不錯，簡單的蒸蛋，就沒有什麼特別。炸韭菜餃，是他們自己包的，鬆脆有肉汁，味道調得剛好:like::wow:還叫了支竹打邊爐，略嫌他太硬，煮很來也不林

星期五，天氣得12度，好想去食番個煲，6點行落街，話全場已訂滿，除非730交檯，有1.5小時，一於坐低食啦。來個胡椒豬肚雞煲，$200幾，卻超大煲，成個洗面盤咁大！先飲啖湯，超濃胡椒味卻又不嗆喉，極暖身，飲到底見胡椒碎，真材實料，雞肉超多無一隻都有大半隻，食得出是鮮雞，雞肉鮮嫩啖啖肉，2個人吾食飯淨食雞飲一兩碗湯已無限幸福溫暖滿足。 但係話晒少炒王，想食炒田雞炒鱔，但得1.5小時，所以叫咕嚕肉，多菠蘿，也多肉，外脆內嫩，肉汁保存，咕嚕汁也甜酸彼此平衡得宜，醒胃惹味，美中不足是肉切得太細，欠過隱。

呢條街真係有好多好野食！今次我地就試下呢間！住係呢區既朋友，話呢道雖然叫小炒王，但呢度既雞煲都好出色，可以一戰！ 落單等左十分鐘左右，個煲就上檯啦～胡椒豬肚雞煲 好食，夠胡椒，淨係聞都覺得好夠香好夠濃！ 老闆好好人，係落order時會問你想要幾多胡椒！ 你知，通常都要多胡椒架啦！咁先夠野味麻！ 雞煲當然要配啤酒啦！嘉士伯都只係廿蚊支，同三五知己邊食邊吹水一樂也！ 另外，老闆都會係泰國入貨，入一D當地好受歡迎既飲品，大家都可以問問老闆有咩新推介！

鋒記小炒王位於筲箕灣大街後巷, 好老實, 若不然是行完山朋友帶我來吃, 我真係唔會搵到呢間食店, 今次我地一行10人, 可以1次過試晒鋒記小炒王既招牌美食。呢間小店好旺場, 好彩我地訂左位, 否則18:30 己滿座, 有人等位。馳名胡椒豬肚雞煲（$248） 真材實料, 湯底奶白色, 內有大量新鮮雞件、猪肚、黑胡椒及紅棗, 真係既補身又暖胃, 店員叫我地湯滾後可以先飲碗湯, 湯滾起時心有不妙……點解好似有陣"胛味"? 食友話可能新鮮猪肚洗得唔夠乾淨, 唔係話! 幸好滾多幾滾, 胡椒香蓋過晒個陣味, 呷一口湯也沒有了那陣"胛味", 飲完成身慶合合, 豬肚好腍身, 雞件也嫩滑, 有湯飲又有餸食, 一舉兩得。 枝竹羊腩煲($時價, 送生菜) 羊腩煲除了羊腩外, 還加了大量馬蹄、生薑、枝竹及香芹等同炆, 羊腩炆得又腍又入味, 鹹香惹味, 大部份羊腩帶皮偏瘦, 羊皮好爽滑, 瘦肉也炆得鬆軟, 不韌, 無乜羶味, 唯一投訴是鹹了少許, 若這鹹度再點腐乳醬食, 太鹹, 又唔想放棄那碟絕配惹味腐乳醬… 黃金蝦 ($92/例, 我地加大至10隻) 邪惡至極點, 黃金蝦炸到金黃香脆, 再加上大量喊蛋黃, 香口到不得了, 連蝦殼都食埋, 蝦肉亦不乾。 未食過落咁重手既喊蛋黃, 好似唔洗 $ 咁, 蝦身黐滿黃金, 勁鹹香, 什麼膽固醇…通通拋諸腦後了.鋒記啲小炒幾好食, 整體 better than average, 價錢亦算合理。

聞名已久，終於今晚walk in，居然有位，可以一嘗名菜！胡椒豬肚鷄煲，上枱時，濃濃胡椒的香氣撲鼻，再混合鷄的味道，已經令人垂涎三尺！:wow:看到奶白色湯，賣相很吸引！:like::like:湯的味道淸甜可口，雞肉嫩滑，豬肚很夠林，很入味，配料的紅棗及杞子大大粒，好味，份量頗多！撈起吸飽湯汁的粉絲，好滋味得無法形容！:yummy::yummy: 很飽足的一頓晚餐！下次會再來！