花華

餐廳門面：不是很明顯，容易被忽略，唯一優點是位置，商場地面搭扶手電梯一落basement嘅左手邊第一間便是。 餐廳環境：有懷舊feel，是餐廳裏的傢俬，杯碟，燈光等等小擺設造成的氣氛，有些70年代的感覺。 LOCAL CLAMS WINE / GARLIC / SHALLOT / CREAM 本地沙白手工意粉 $118 ： 蒜蓉味非常之濃郁，沙白新鮮，麵質煙靭彈牙，質感非常好，白酒汁的白酒味亦很明顯，所有食材都配合得10分好，雖然點餐後要等了大概20分鐘才上菜，但吃到這種質素嘅出品，是很值得的，感到這種出品很有誠意。 LOCAL OYSTER VEGS / CHICKEN STOCK / ONION 蠔仔菜醬烏魚子手工意粉 $118： 意粉同上，表面鋪滿蔬菜粒，也有濃郁嘅蠔豉的味道，烏魚子的味道不算10分突出，但整體也是配合得很好的。 服務：OK

🍽️ 食評｜花華 Hana － 手工意粉出色！多國菜驚喜之選 📍 尖沙咀彌敦道重慶大廈興坊地庫S01A號舖 今日同大家分享一間隱藏喺尖沙咀地庫嘅多國菜餐廳，除咗主打麵包糕點，手工意粉更加係必試之選！ 🍝 午餐set $128 性價比高！包餐湯同麵包，可以揀一款手工意粉／馬鈴薯批 • 蘑菇手工意粉：蘑菇味香濃得嚟唔會蓋過意粉原味，意粉口感彈牙煙韌，手工製作果然唔同啲！ • 法式千層馬鈴薯批：第一次試已經愛上！層次豐富，有蛋、薯仔、芝士醬同Parma Ham，鹹香交融好滿足 🍸 飲品選擇 • Lemonade：清爽解渴 • 梅酒cocktail $98：晚餐時段試，味道都OK，配意粉幾夾 🍤 晚餐手工意粉 $158 • 開心果醬三文魚蝦意粉：開心果味突出，好nutty！同意粉本身好夾，但加埋三文魚同蝦一齊食，味道有少少唔夾 • 意大利肉醬意粉：蕃茄肉醬鹹甜適中，帶少少酸味，加埋芝士更加鹹香，撈埋彈牙手工意粉簡直完美！ 🦪Seafood 茄子台山蠔 $128 茄子好好食，但係味道偏濃，將佢切成一小嚿連埋生蠔一齊食平衡到個鹹味，生蠔都大份，食落都正常 🌟 總評：4.2/5 💡 必點：蘑菇手工意粉、法式千層馬鈴薯批、意大利肉醬意粉 💰 人均：午餐$150左右，晚餐$200-300 #花華 #手工意粉 #尖沙咀美食 #多國菜 #香港美食 #foodiehk #抵食午餐 [小貼士] 午餐set性價比高，想試多幾款口味可以晚餐時段嚟！ 小編食嗰陣見到晚餐嗌主菜，肉類/海鮮，甜品同飲品可以有八折，但係嗌晒全部會好貴，so far嗌兩份主菜加一份肉類都夠食，好似冇最低消費，但計埋+1消費都有啲貴🥹🥹不過餐廳氣氛都幾好，服務都好好，冇話會趕客人走。

呢間我好鍾意嘅尖沙咀西餐小店，竟然出埋lunch set👍🏻👍🏻 估唔到就算lunch set，份量都好足👏🏻 佢最出名嘅手工意粉，仲係做得到al dente嘅口感😋 唯一美中不足就係蕃茄意粉個醬太酸 成個set最make my day嘅一定係個tiramisu🤤 好香酒味同埋咖啡味🤤 D cream又夠絲滑，入口真係齒頰留香☺️ 3-course lunch set: $158 (+10% service charge) Starter: - Lychee n feta salads荔枝菲達芝士沙律 Main: - 香草蟹肉忌廉手工意粉 - 香辣蕃茄大尾魷手工意粉 Dessert: - 迷你傳統Tiramisu （+$20） 味道：🤤🤤🤤🤤🤤/5 性價比：🤤🤤🤤🤤🤤/5

我同朋友喺花華食咗一餐好滿足嘅晚餐。呢間餐廳位於尖沙咀重慶大廈，環境舒適，但係有少少油煙味。 我哋揀咗3 course set，價錢係$258一個人。首先上嚟嘅係snack，有蔥油餅配芝士、話梅白苦瓜同埋炸蓮藕梅菜扣肉。蔥油餅配芝士嘅口感酥脆，芝士味道濃，幾夾；話梅白苦瓜清新爽口，帶有一絲苦味，又可以清清前面既油膩感；炸蓮藕梅菜扣肉外皮酥脆，內裡鮮嫩多汁。 跟住就係starter，我哋叫咗Mussel Prawn同Orange Squid。Mussel Prawn略細隻，辣辣地，味道鮮美；Orange Squid嘅squid幾amazing，口感彈牙，橙香味十足。 手工意粉方面，我哋叫咗Clams Pasta同Mussel Pasta。Clams Pasta嘅沙白幾甜，好食；Mussel Pasta嘅mussel新鮮肥美，意粉煮得剛剛好。 最後就係main course，我哋叫咗Local Fish Potato同Japanese Wagyu Eggplant。Local Fish Potato嘅魚肉鮮嫩；Japanese Wagyu Eggplant和牛（加$50）肉質鮮嫩，醬汁係香港叉燒醬味，茄子入味。 總括嚟講，花華嘅食物質素高，味道好，而且價錢合理。雖然餐廳有少少油煙味，但係都唔影響用餐體驗。如果你鍾意中西fusion嘅美食，咁花華絕對係一個唔錯嘅選擇。

尖沙咀重慶大廈隔離竟然有間法式麵包+西餐小店，$238 就有一杯飲品+兩款主菜+一款甜品，價錢幾抵玩。 🍖 Lamb Neck Yogurt Mint（+$30） 羊頸肉好嫩滑，冇騷味，配上酸酸嘅乳酪薄荷醬，清爽得嚟幾解膩。 🍝 Carbonara Pasta（+$80） 煙肉香濃，蛋黃醬汁幼滑唔死鹹，口感好creamy，食到停唔到口。 🍰 Tiramisu 酒味同咖啡味比例啱啱好，唔會過火，入口軟滑。 🍈 Melon 淡淡嘅哈密瓜味，幾清新，不過酒味幾乎無乜感覺，純當果汁飲都可以。 📍 花華 尖沙咀彌敦道36-44號重慶大廈heath慶方地庫S01A號舖

🥧Potato Oratin 法式千層馬鈴薯批 $98 🍝Local Clams Pasta 蒜香本地沙白手工意粉 $158 🍰Tiramisu $68 🍰Cheese Cake $忘記了 呢間餐廳係社交平台都好多人share呢間fusion 餐廳 所以早排就專登book位試下😋 無記錯每個人係低消兩樣野食既 所以如果食唔到咁多野既人可能要考慮下 因為我地都叫左兩個main 兩個甜品同兩杯野飲 去食個時好似都係試業無耐？有啲item都無/賣哂 甜品意粉同埋野飲就正正常常 我已經唔記得叫左咩野飲🤣 不過個薯仔批就真係幾出色😋係成餐飯最難忘 見到呢間餐廳啲食評好極端 自己就覺得正常 環境都唔錯幾靚 同朋友去當聚下傾下計食一餐咁都幾舒服 人均消費大概 $300

總體食物質素唔係我最大記憶點🙂‍↕️ 令我印象最深一定係抽風系統幾唔掂！！！ 一路食野一路聞住果浸強勁油煙味 😶‍🌫️真心難頂 點菜完畢後 先送上自家製麵包粒 甜甜地好脆口😋 係食完一粒又想食多粒果隻 仲有啲甜甜地既nuts 感覺有啲似琥珀合桃 然後仲有自家製冬瓜淮山粟米湯 好屋企feel😂 清淡健康 應該無味精！？岩晒而家熱辣辣既天氣🔥 ❙ Homemade Focaccia n Egg Salad ❙ 自家製佛卡夏 氣孔大 焗到硬脆 塗滿碎蛋沙律 賣相精美 🤧可惜碎蛋沙律唔香唔盛無咩味 頂頂係醃製過既鯷魚 建議要撈勻 如果唔係中間個位就勁鹹 其他就無味 總體 我覺得係失望既☹️ ❙ Grilled Onion n Salmon ❙ 原個洋蔥舖滿車打芝士拎去焗 稔到無牙呀婆都食到 😒切開裡面既三文魚粒少得可憐 唔睇menu都唔記得 質地所有野都係稔到癲 而味道係唔差既 ❙ Miso Eggplant ❙ 味噌炸茄子 好食🤩 面頭仲有大量火箭菜同埋炸豆 雖然有啲油膩🤓但惹味得黎又幾清新 ❙ Fish n Chips ❙ 用上鱸魚起肉拆骨 鮮甜味美🥰 即使唔係立即食 都依然香脆可口 不過份量好少 部份係意大利青瓜代替傳統既薯仔 感覺會清新啲既😙總體唔錯架 ❙ Scone ❙ 🤤想試好耐 scone翻熱後外脆內嫩 乾身唔黏口 牛油香就可以再強啲 仲有啲無花果咬下 呢舊鬆餅岩我喎😆 ❙ Matcha ❙ 拉左花🤣但睇唔出拉左啲咩 朋友話好抹茶帶回甘 佢好滿意 ❙ Chrysanthemum Tea ❙ 養生款 洋甘菊茶 都好既 反正啲野食全部咁油膩熱氣🤪 ❙ Rosemary Lemonade ❙ 我鍾意飲梳打 凍飲解膩又係一流 😉酸酸甜甜好開胃

今天到訪尖沙咀的「花華」為當了媽的朋友慶生，一行三人晚上 6 時入座；裝潢走西洋懷舊風，設有酒吧，每人最低消費為一款食物及一杯飲品，晚市設加一服務費 餐前先奉上自家製麵包粒，香脆輕甜帶原粒杏仁；同時提供免費湯品，當晚為冬瓜淮山粟米湯，天然清淡；用餐期間廚房油煙味較重，抽風系統有改善空間 - 🔹FOCACCIA N EGGS SALAD $58 自家製麵包塗上蜂蜜牛油，配上里科塔碎蛋沙律 麵包硬脆中有煙韌感，蜂蜜牛油點到即止；碎蛋面放上鹹度高的鯷魚及灑上蔥花，口感不俗，蛋香稍欠 - 🔹MISO EGGPLANT $58 味噌炸茄子配上椰奶酸忌廉，炸黃豆配咖喱粉作點綴 附大量火箭菜，炸茄子鮮嫩濕潤，因油炸關係膩感較重，蘸上椰奶鮮忌廉配搭新穎 - 🔹GRILLED ONION N SALMON $98 原粒焗洋蔥，配上自家醃三文魚及自家製沙律醬 甚具創意的菜式，芝士搭上三文魚是不敗組合，三文魚緊緻嫩滑不帶魚腥，洋蔥焗至軟嫩多汁 - 🔹FISH N CHIPS $128 鱸魚手工起肉去骨，CHIPS 用上意瓜代替馬鈴薯，配自家製TARTART及醃製青瓜 4 件爐魚 炸至金黃香脆，炸漿厚薄適中，魚肉雪白帶魚香，以意瓜代替馬鈴薯創新又低卡，蘸上他他醬配搭佳 - 🔹SCONE $35 自家製無花果鬆餅，配上自家紅莓醬及馬斯卡邦芝士 堂食會先加熱；表面輕脆，內裡屬半生麵糊狀的口感，而非蓬鬆濕潤，加入健康無花果沒有違和感，甜度不高，蘸上果醬能提升味道層次，也能提高濕潤度 - 🔹MATCHA $48 濃香醇厚且回澀的抹茶香，抹茶控沒有失望 🔹LEMONADE $48 點滿 4 款食物，免費送贈 $35 飲品，超過金額補差價 🔹CHRYSANTHEMUM BURDOCK $35 點滿 4 款食物，免費送贈

最近與朋友們找到了這間「花華」餐廳，這裡的復古裝修讓人感到放鬆，也增添了不少氛圍，在繁忙的鬧市中，找到一間可以讓人喘息的地方，確實有種難能可貴的感覺。老闆的細心體現在每一個小細節上，讓人感覺更加賓至如歸。 我們點了幾道菜。首先是傳統手工意大利麵，口感非常彈牙，麵條的嚼勁讓我印象深刻，搭配的醬汁新鮮又不膩，十分美味。接著是法式千層薯仔，層次分明，外脆內軟，口感相當好。 再來是魷魚沙律也很不錯，魷魚鮮嫩，加上清新的火箭菜，吃起來很開胃。最令我們驚喜的是手工麵包塗蜂蜜牛油配蛋黃沙律，麵包非常酥脆，蜂蜜牛油的甜味搭配蛋黃的醇厚，非常合適。 更讓我感動的是，老闆知道我們當中有人生日，還特地送上了一份蛋糕，這份心意讓整個用餐體驗更加特別。 總的來說，花華餐廳的菜品值得一試，服務也很周到，是個適合朋友聚會的好地方，期待下次再來！

奇葩餐廳🙂 今時今日喺香港食飯，Book 枱要落300 訂金，仲以為好巴閉，一定好好食，驚為天人啦，點知 .... 店家要求每人最低消費要叫三樣食品，簡直係綑綁式推動香港經濟發展🙂 店家超有心思呀 , 知道香港人鐘意食沙嗲牛面，特燈喺塊牛扒上面加d 超咸嘅沙嗲汁，牛扒又多筋，我食到下巴都出肌肉，一路食嘢一路做cardio, 簡直係健康之選，以後食大餐都唔洗咁有罪疚感啦☺️ 又知道香港人講究衛生，舊芝士蛋糕無論口感同味道都好似黑人膏咁 , 食完今晚唔洗刷牙啦😎 員工態度無問題，但食物質素就真係不敢恭維啦🙂

睇住食評先知原來餐廳規定每人最底消費要叫三款食物 千層馬鈴薯批 辣味魷魚意粉 兩杯飲品 入座前無講明要有最底消費 覺得職員係有責任要同我地講聲 menu都要加返句囉 而唔係強逼要叫囉

價比超低嘅Fusion 菜 唔建議大家試伏 👍🏼抵食指數：👎🏼 😋好食程度：⭐️ 之前見啲media 介紹呢間餐廳好似好正咁，所以就盲舂舂去試下，點知係大伏嚟...  之前無留意佢有最低消費，坐低先知要一個人需要叫三項菜式，三項菜式只係二選一，點知佢又兩項得返一個選擇，另一個賣晒，其實觀感都幾差，呢間餐廳係要book 位，而且要俾 deposit ，已經知道當日食客人數，但點解仲可以預唔夠食材呢？ 除咗個日本帶子燒賣配拖羅比較知自己食緊咩之外，其他「分子料理」得打卡嘅價值，都唔係太知自己食緊啲咩。可能作為平民食客，對太深奧嘅料理配搭唔太識欣賞，甚至有種九唔搭八嘅感覺，特別係開心果香草醬羊奶芝士手工意粉，又酸又咸又有開心果味，食咗第一啖已經唔想食落去。 其他菜式包括韃靼牛肉日式銅鑼燒，以及澳洲和牛味噌芥末，因為係無得揀下所選擇，如果一個唔食牛嘅食客嚟講，真係可以即時離開。兩項菜式真心普普通通，甚至韃靼牛肉嘅牛味根本食唔出。 主打 fusion 菜，本應要有比到食客嘅驚喜，只有「驚」，而無食完回眸一笑暖心嘅感覺，真心都幾失敗。對於食量較細嘅女士，要焗住揀咁多項菜式，仲要唔係每樣有得揀，實在唔理想。 一餐$298 加一 嘅 fusion 菜，喺尖沙咀絕對有更理想嘅選擇～

✿花華✿復古風餐廳✨ 位於重慶大廈旁邊「慶方」商場地庫，未入餐廳已經聞到好香的既煮野食味道 入到餐廳燈光昏暗，裝修懷舊，係一間復古風餐廳， 餐廳內部環境比較細，有幾張細枱，同面向開放式廚房既Bar枱，同一張圓枱 因為我地係4個人，所以安排左圓枱比我地，已經係最大個張枱 叫左甜品寫名牌，店員仲幫我地影即影即有，影得好靚☺️ 店員建議我地試2人餐再散叫，可以試多啲野食 我地叫左個2人餐每人$328，套餐包兩個前菜，一個小食，兩個主食，兩杯酒精或無酒精飲品 🍽️千層馬鈴薯批 一層薯仔，配上巴馬火腿，芝士，流心煎蛋，薯仔本身香味配上巴馬火腿同芝士咸香，呢個配搭好夾 🍽️車打芝士煙肉芋酥 芋酥幾酥脆，有講唔出既味道，似懷舊點心芋酥 🍽️胡椒沙白打滷湯 沙白都大粒，有少許沙，湯比較咸 🍽️和牛牛板腱 我地叫左5成熟但黎到覺得太生，廚房再幫我地整熟少少，有牛味 🍽️魚鬆腐乳通菜貓耳朵 呢個配搭幾有創意，份量好大，我地女仔食到好飽 散叫我地叫左 ·香草提子三黃雞 ($198) 三黃雞肉質嫩滑，配提子好清新，味道好夾 ·水牛芝士巴馬火腿意大利飯 ($158) 意大利飯軟適中，醬汁creamy ·甜品Tiramisu ($68) 酒味同奶香味濃郁，有回甘，好味😋 整體食物性價比高，好適合情侶聚餐，但唔適合一大班朋友 人均價格: 約 $350 食物味道: 8/10 性價比: 8/10 環境: 7/10 服務: 7/10

📍花華 尖沙咀彌敦道36-44號重慶大廈heath慶方地庫S01A號舖 一直未有機會試花華，今次終於食左但整體感覺有啲名過於實 🍽️。餐廳規定每人低消要點三樣食物，對於小胃口嘅人嚟講有啲進取 😕 前菜試咗法式千層薯仔批，層次分明，薯仔香滑配蛋同ham，口感唔錯，算係亮點 🌟。滷豆腐沙白大尾魷，豆腐入味，滷汁香濃，魷魚好爽口幾新鮮，沙白就麻麻，同埋調味過咸 🦑。 本地三黃雞用咗傳統燒法，皮脆肉偏實嘅口感，雞味濃郁，配上簡單調味。 主菜有豬肉雞肝醬意粉，醬汁濃郁，雞肝味突出，手工意粉質地都唔錯 🍝。芝土薯糰偏大粒，個人唔太鍾意，唔煙韌，有啲痴牙，調味亦無特別。 Tiramisu就中規中矩，咖啡味夠濃，亦都有酒味，唔算好甜 🍮。 環境方面，餐廳裝潢走日式簡約風，氣氛輕鬆，適合同朋友小聚 🍵但上菜速度有啲慢，等咗一陣先食到。整體嚟講，花華嘅fusion概念有創意，但性價比唔算高 💸。每人低消三樣嘅規定亦令人有啲壓力，未必次次都想食咁多。總結係，試一次OK，但未必會回頭 🥢 💰人均~$350 😋總評分: 6/10   #foodlab尖沙咀

舊店在馬鞍山食過幾次，知佢尖沙咀重開專程拜訪，老闆似對食物有要求，即叫即整，推介薯餅加火腿同芝士大正！ fusion燒賣都好足料好食，手工意粉之前食過都正。 飲品都出色，dirty值得一試，唯甜品tiramisu rum酒味雖香濃但蛋糕層較乾，少失望。本身以為會有多款手工甜品如Canelé，但款式比以前少左好多。 裝修好復古，不過門口太低調又拉哂簾，友人經過幾次都唔覺眼🫡 有點唏噓係星期四下午只有我地一枱客，尖沙咀成個商場都好靜… Total: $350 (weekday免加一）

早排試左午餐 1） 茄子蕃茄意粉 意粉幾彈牙 第一啖味道幾好 但之後個味道愈食愈淡 2） 三文魚扒 超級失望 足足等左30分鐘先食得 但黎到其實只有2塊三文魚扒同2塊法包 唔太明白點解需時甘耐 仲要事前冇提及要等咁耐 乾等期間又冇staff主動黎斟水 冇乜服務 但要收+1 哈哈😂 三文魚扒煮得好乾 味道淡 温度又唔熱 同法包 仲有醬汁（偏酸辣）唔太夾 甘就盛惠$168 (未加一)😂🫨 3） 甜品 Tiramisu 不得不讚甜品幾好食 中間有啲脆脆 唔肯定咩黎 但口感幾好 不過份量有啲細 總結：定價進取 但食物質素未能與價錢相 襯

睇過下其他食評決定一試 點知試完失望，名大於事 嗌咗兩個意粉 一個沙白白酒，沙白夠新鮮但個粉冇夠味 一個雞肝意粉，調味上可以再好啲味道單一，食完成口腥 第一個粉正常上餐速度 第二個整錯咗，等咗超過45分鐘（最後上一句道歉都冇） :frustrated::frustrated:

同社交媒體網站片唔同餐牌，變左fusion菜， 呢個價錢咁多道菜係好抵。 但真係好可惜，好難食。 吞拿魚燒賣有少量驚喜， 然後就完了😵‍💫。 Tartare 銅鑼燒，3隻唔同味鬥搶，連個汁裡面嘅菜都搶味，完全夾唔到，無升華之餘降晒grade, 銅鑼燒仲要擺到乾晒😵‍💫 麻婆豆腐沙白ravioli, 太咸了。沙白咸麻婆豆腐咸，個ravioli 造型係中式餃子，味道都好中式餃子。整個麵皮就ravioli,,,不如索性做返中式菜⋯⋯ 全餐最好食係煎牛扒， 好彩唔搞fusion。 食到呢度己經無法再試個tiramisu, 唔敢😵‍💫😵‍💫😵‍💫

以前馬鞍山美食沙漠嘅亮點係花華，但好可惜結業咗一段時間，估唔到竟然會喺尖沙咀重開。不過新店嘅裝修同食物款式好似同以前印象中唔同～招牌係手工麵條，仲有烘焙品例如手工麵包、蛋糕 小店位於重慶大廈旁邊「慶方」商場地庫，正正喺門口一落電梯位！裝修走復古風，播上Indie 音樂，昏暗燈光，深木色調，適合聚餐或者情侶食飯 ⭐️店內比較細，得四張枱+Bar枱，所以建議要預先Booking 老實講價錢定位都進取，例如我哋晚餐散叫兩個人食咗$800，不過都幾多人食！整體食物質素唔差，不過份量偏少 性價比唔算高，男仔未必夠飽🫣 👓法式千層薯仔批 HK$108 一層層薯仔片焗得香口充滿牛油香氣，一層層嘅效果好有層次，配上流心太陽蛋、芝士、巴馬火腿，整體有咸香幾好食 👓開心果香草醬手工意粉 $119 手工意粉口感煙韌 好明顯係手工貨。本身仲好期待究竟佢係咩開心果味襯托到個意粉呢…老實講有啲失望因為唔算好食，主要食到忌廉汁、芝士、香草味，唔知個開心果去咗邊，純粹真係似香草醬加手工意粉，偏單調，本地沙白意粉呢個款式應該會好食過開心果..另外意粉份量真係偏少，幾啖就冇… 👓香草提子本地三黃雞 $148 好多餐廳通常三黃雞都做得幾好食所以特登叫黎試吓。隻雞肉質香滑，而且調味好夠 除咗香草，提子添加咗一份香甜味。味道嚟講其實唔錯，不過都係嗰句真係好細兜🤣 👓日本帶子配秋葵及烏魚子 $118 賣相同我想像中有少少出入，呢個價錢嚟講個份量真係偏少～有一層炸脆絲包住帶子變相可以加強香口口感，可惜個帶子偏老，嘥晒～底層係蓮藕片+秋葵，用上涼拌汁係酸酸甜甜幾清新開胃，變相秋葵好容易入口。 👓傳統提拉米蘇 HK$68 咖啡味同酒味幾濃郁，手指餅唔會浸得太腍，不過份量實在太少啦，好細杯唔夠喉

📍尖沙嘴復古風cafe‼️• 鮮甜沙白手工意粉😛 — 花華🌸 • #pigfoodiexhk_尖沙咀 #pigfoodiexhk_cafe ============================== 花華係喺馬鞍山起家嘅小店，早前結業後喺尖沙嘴重新開業，餐廳走復古風，幾有feel好啱打卡😆 ————————————————————— ⭐️Potato Gratin $98 見好多人推介嘅薯批😛薯仔加埋煙肉、煎蛋、芝士幾有鹹香，但不至於人地講好驚豔啦～ · ⭐️Local Clams Pasta $158 本地沙白意粉～蜆肉份量好多，大粒鮮甜～手工意粉闊身，好有咬口！🤪見過有其他人嘅review話覺得太硬，不過我同朋友就幾鍾意呢個口感～ · ⭐️Ricotta Cheese, Honey, Chilli, Bacon & Bread 呢個味道好新奇！甜鹹辣集於一身，記住要全部item加埋一齊食🥰 ————————————————————— 整體嚟講食物ok，但份量偏少性價比唔算高，男仔未必夠飽🤣 ————————————————————— 賣相：3.5/5 味道：3.9/5 性價比：2.5/5 推介度：3/5 ————————————————————— 📍花華 @hana_coffeebread 尖沙咀彌敦道36-44號重慶大廈heath慶方地庫S01A號舖