昌興冰廳

茶餐廳位置在街市人流不多的一條橫街，從街頭望去很難知道前面有食市。 餐廳不大，我點了雪菜牛肉米粉和凍奶茶。我覺得好好食喎，雪菜很翠綠，好香好脆好新鮮又唔太鹹，牛肉好滑冇渣，米粉係新竹米粉👍🏻。 坐喺我附近嘅應該都係熟客/街坊，好自然就成間餐廳嘅人連夥計老闆娘老闆一齊傾偈搭訕，感覺好特別好得意好溫馨，話題內容有娛樂性豐富的😂，也有有D洋䓤的。 食完離開嘅時候好自然feel到：有香港的味道！

香港有得食米通粉既地方唔多，快餐店都係間唔中先出，突然想食米通粉就上左開飯睇下啦，就發現左呢間旺角某巷仔既店鋪。 入到去原本想叫米通粉配札肉（因為睇之前既食評叫），但係餐牌竟然冇左札肉，咁就轉左叫漢堡扒米通粉，同加左$3番茄啦，仲叫左涷檸茶添，原來杯涷檸茶佢會幫你篤埋架，佢首先篤好檸檬，之後倒d糖水落冰桶度，再倒番出黎加入檸檬度，再落茶同冰，每個步驟中間佢都好細心咁攪勻，睇得出店主好用心去製作食品，值得一讚！ 米通粉唔會好似快餐店咁，煮到唔均勻有硬條情況出現，湯底都唔錯冇咩味精味，又唔會好似圖咁睇落冇味。漢堡扒都係煎到岩岩好，叫番茄以為係湯底點知係一個番茄一開四，但個番茄都唔差，唔會酸而且幾新鮮下，整體係唔錯值得去食多次，係個到食仲感覺到好有人情味添，d客同店員係熟到一齊吹水，淨係一杯小小既凍檸茶都好比心機慢慢沖，今時今日香港好難搵到呢類小店，值得去支持一下！

有食友說過，過了上海街之後的旺角，有如 Harry Potter 電影中，把手推車推過九又四份三 Platform，是一個截然不同的世界。某天的一個旺角的早晨時光，我站在奶路臣街近朗豪坊，一穿過新填地街，一推，就進入了繁華旺角背後的另一個世界，廣東道街市是也 (也叫旺角街市)。 穿過了廣東道，街市的背後，世界又回復了一片平靜，這一條街，名叫地士道街，大家聽過嗎? 這一條小小的街道，跟廣東道平排，是夾在渡船街同廣東道之間的一條短街，不說是要聽，就算是行過，也不會特別地去留意。行走在這一段的廣東道及這一條細小的地士道街，大多是環保回收店，菜檔的貨倉，五金雜貨等等。但有心地在街頭遠望，你就會看見《昌興冰廳》四個大字高高的掛著，原來在這一個截然不同的世界內，除了因為 《PTU》電影而曝光的《中國冰室》之外，原來仲有一間同樣是截然不同的街坊冰室。地方細小的茶室，來者大都是同邊的街坊及檔主，基本上，這店是沒有區外人顧客的，在場者，全都與老闆，或是鄰坐的客人有說有笑。談話的內容都是今晚食乜餸，檔子好不好生意，收檔去邊打牌之類的話題。突然，有人從店中的後門走出來，聽在場人士的談話，原來這店不小的，有一個隱蔽的樓上雅座，上面是什麼、有什麼，不在我的調查範圍內。來這兒的目的，除了是尋找隱世的味道之外，就是如常地食個早餐，一碗精神飽肚的公仔麵餐是少不了的，不過有一個其他茶餐廳少見的配搭，就是以扎肉佐公仔麵。公仔麵，就是簡單的光身麵，但煮沸的程度很是特別，因為麵沒有半熟的硬身感，看似是全熟的腍但又帶少少硬度，而入口的感覺，也是令我芝莫名其妙，這麵像是浸過梘水一般的，滑。 香煎的扎肉，雖然看起來是油了一點，但扎肉配公仔麵，感覺十分之新鮮，而且煎過的扎肉，香味四溢，絕對勝過豬扒，香口，夾帶有魚露的香味，混在麵一起食嗎，好像不太好，一注麵，一片扎肉，這樣才能夠完全感受到扎肉的香同麵條的滑。這家小小的冰室，原來仲有一個與別不同的食品，這是台灣出產的米通粉。我感覺自己仍然有食力，就多叫一碗淨通粉試一試。同樣，湯底令到通粉滑嘟嘟的，細心品嚐一下，湯底有微微的雞味，加上有少少梘水的感覺，絕對是令食品多添了一點滑。而米通粉，入口煙韌，幼長細滑，感覺特別，再加上這微微有味的湯底，確是既特別又有味。早上，奶茶是必須品，傳統的玻璃杯奶茶，也許只有熟害才能享用，作為一個生客/過客，或是一個非 VIP 客，一樣得到一杯靚奶茶，只不過是用膠杯盛載而已。這一杯茶，入口感覺夠滑，也有該有的茶香，只是嫌奶未夠多而已。勤奮的基層市民，默默地在繁華的旺角背後，提供我們每天的生活必須品。廣東道，山東街，奶路臣街，大家只知道他們歌舞昇平的一面，而他們平民的一面，你們又見過嗎? 有空，就要進入這九又四份三 Platform，感受一下啦。

在這世上生存了三十多年,活在自己的地區,也不是每個地方都去過,就算是最旺的旺角,由小學到今天都有廿幾年,在旺角住過玩過.其實對他並不太清楚. 廣東道同渡船街中間的幾條橫街,正是我的盲點,平生從來未涉足過.其中一條地士道街,如果不是看到陳真的食評,也不知道旺角有這條穿梭山東街,與奶路臣街的小小橫街存在.人在旺角真是有趣,由繁華的朗豪坊行過來,當一踏入廣東道,如Harry Potter的九又四份三月台,好像到了另一個世界. 在這條小巷內,偏偏內裏有一間"昌興冰廳".店內面積不大,要坐到出外面,對著地士道公園.早上來自然吃早餐,同時可來個三文治,奶油脆脆等等.麵餐有例牌的餐蛋,沙爹牛,我屬意豬扒麵,轉福麵加$4,再加杯熱奶茶. 玻璃杯上的熱奶茶,味道平衡,茶同奶味均等.帶點回甘,有水準.煎豬扒肉質鬆化,吃落又不會太乾.底下的福字麵,自己都整得出,沒有評語.連湯底也是福麵的味粉開出來. 坐在外面,看著小巷上的百態,有拾荒者拿著一大堆紙皮,腳步欄跚地行過.長者們在對面公園發呆,鄉音不改的婦人,板著面孔,匆忙地去街市買菜. 在被人遺忘的一角,內裏的人,也是被人遺忘. .

是日, 攞了一日假去調理身子. 一早係佐敦弄好牙, 第一站, 牙醫說要隔半小時才食野. 便慢慢行去旺角, 尋找隱世的味道. 地士道街, 相信好多人, 看完地圖都未必知係邊度搵. 這其實是廣東道街市其中一條橫街仔. 人和對面果條小街. 若不是上次食完人和, 係街市亂逛, 都唔知有條咁既街, 有間咁既野. 10點幾, 叫了一個公仔麵餐, 再加一個奶茶. 看了眾多口味的公仔麵, 決定了一個特別點, 炒雞絲公仔麵. 奶茶先到, 這是大排檔式用玻璃杯盛載的熱奶茶. 不過奶味不重, 濃就非常濃. 麵未上, 望望四周先, 地方不舊, 像是曾經裝修過的樣子. 不過, 有點快餐廳 feel, 檯上有個舊式熱水壺, 原來是熱茶. 真的很少茶餐廳會咁樣裝茶的. 麵到了, 炒過的雞絲當然香口, 麵身亦煮得夠爽. 小小隱世店, 原來都有咁上下. 期間有不少主婦買完餸, 外賣早餐回家食. 老闆娘, 伙記同街坊打成一片, 仲教那位主婦, 今日邊檔有咩野平.....等等等...非常親切的街坊小店.

呢度既野食好特別 1. 蝦餅、豬扒、雞翼 淹左之後再煎香後，好惹味好想即係食左佢:chopstick: 2. 米通 呢度另一個特色，有興趣可以一試 3. 湯底 唔係一般味精湯底，多數會一路食一路飲 4. 奶茶 如果你鐘意多少少奶味，呢杯好岩飲 如果有車，可以泊街尾，不過小心抄牌