稻神食堂

今日12/7/2025(六)放假，休閑地去左濕地公園附近cafe，食個Brunch(早午餐)。 cafe環境優雅，座椅弧形設計(好似扇型)，夠特别，有卡座，亦可選靠落地玻璃四人枱，有歌聽，唔太大聲，幾好 我揀左坐近落地玻璃嘅座位，景觀好靚，望出去係綠悠悠嘅樹，好舒服 叫左醒晨早餐A 揀左香葇豬扒，煎熟蛋配多奶咖啡 有七款食物，好豐富吖，豬扒煎得有肉汁，牛油份量啱啱好，蕃茄少少焦，唔錯 有分男女洗手間，夠衛生 付款方式都有多種選擇，整體服務滿意的

#20250104 🤍 📍 #稻神食堂 @the_farm_restaurant 天水圍濕地公園路9號Wetland Seasons Park地下3號舖 ➖➖➖➖➖➖➖➖➖➖➖➖➖➖➖➖➖ #特色蔥油拌麵 #虎蝦蜆肉 #麻辣味 $88 💭 呢個麵最後悔係揀左麻辣味，落得好足料，每食一啖都辣到噴火咁濟，食完個喉嚨仲㷫㷫地，唔食得辣既朋友仔建議叫返醬油味🔥麵質係台灣麵果款，帶啲咬口幾適合做拌麵，蝦同蜆肉明顯係急凍，但勝在份量都唔少，呢個價錢可以接受啦🦐個麵會跟個紫菜蛋花湯，有港式粉麵既優點，用尼解下辣唔錯👍🏼 . #自選三色扒 #黑椒汁 #菜飯 $72 🥢 #豬扒 #薄牛扒 #珍寶腸 💭 其實佢仲有雞扒、魚柳、牛舌等等有得揀，真係可以揀到三塊都係扒，應該會飽到癲左😂扒類都條司華力腸味道都正正常常，最特別係呢度可以菜飯，好似真係無食過邊間有，有肉有飯又有菜算健康啦😎 . 🥢 #麥冬夏枯草 #冷泡茉莉 💭 飯餐本身有跟野飲，咩都唔講先講兩個杯都好可愛，突然高級左🤪茶用茶包沖出尼，飲落都係預料之內既味道，夏枯草就搞笑喇，第一啖飲酸酸地以為比錯烏梅汁，飲多兩啖發現個味超似利賓納，懷疑比錯左廚房自己沖啲野飲，不過勾返起啲童年回憶都幾好😌 . #天水圍美食 #🐷在天水圍 #🐷_食

是日與屋企人搵地方食飯，近近地去過濕地公園附近食，見到呢一間稻神食堂都幾靚裝修，乾乾淨淨，有中式有台式餐。 我見台灣肉燥飯幾吸引，於是滿心期待地叫咗個雞扒肉燥飯，餐牌嘅相係好靚，但係出到嚟嘅賣相有少少出入，變咗有少少失望😂 味道亦很一般般，雞扒很嚡，食多一半就已經唔想再食。屋企人叫咗個帶子卷雞粒炆飯，個湯好味精😂真係可一不可再。 不過侍應服務態度很好，入餐廳嘅時候很多位置不用排隊，如果一家人要很早食晚飯都可以勉強將就。

坐落喺人來人往嘅商場裏面，The Farm真係一個難得嘅平民化美食角落。一入到去，懷舊嘅擺設已經係好吸引人。嗰日我就試咗幾樣好受歡迎嘅菜式。首先，紅燒牛筋菜飯真係一絕，牛筋炆到腍滑得嚟，味道重又唔死鹹，完全可以話係高水準表現嚟㗎😋。其次，秘製美國黑毛豬煎蛋飯，叉燒真係肥而不膩，煎蛋滑嘟嘟，以家常來講實在係無得輸。呢啲嘢已經使我樂而忘返💖。 當然唔少得嚟一啲點心式嘅小吃。芝麻單骨雞翼同香酥雜菜餅都係必試之選，酥香跳係舌尖，解開咗成日嘅乏味。啱哂搭配一杯清新檸檬薏米水，消暑又提神🍋。食完之後，個人心情同胃口都好滿足。The Farm，你下次見到我嘅時候，一定會喺我手上多埋嚿啖皆知嘅笑意㖭！🍛🥢

今日黎左呢間茶餐廳食午餐，都係掃qr code點餐。 ▪︎山東燒雞配蒜香豉油汁▪︎$68 跟餐▪︎紫菜湯▪︎ 個湯有紫菜加小小蛋花、蔥花，味道唔錯，仲落左麻油同小小醋味，幾開胃既一個湯。 個麵類似上海麵但係係幼身版，配埋個豉油汁，甜甜咸咸幾惹味，可惜上枱唔太熱，微暖。而個雞就質地較乾同有點硬身，所以食左幾舊都無再食。 ▪︎紅燒牛肉牛孖筋上海菜飯▪︎$70 呢個我無試到，但應該都正常發揮。 跟餐 ▪︎冷泡龍井▪︎ 跟餐唔使加錢有冷泡茶飲，都幾清幾解渴。 跟餐 ▪︎凍檸茶▪︎ 凍檸茶正常野無乜特別。

難得的休閒下午茶🍽️，選了The Farm(稻神食堂)，皆因平時喜歡它的紅燒牛筋菜飯，今日下午休假，就決定親身到訪 👇🏼餐廳格調舒適，牆上掛着美國演藝人的黑白照，如柯德莉夏萍、James Dean等，很有懷舊feel 👇🏼看過下午茶餐單後 👇🏼order了吉列魚柳包配雜果沙律$43，wow，太好味了😋，魚柳外脆內嫩，魚肉新鮮白滑，邊吃邊讚👍🏼； 沙律也弄得好😍，內有薯仔粒🥔、椰果和罐頭雜果，薯仔不是腍啤啤質地，是爽口的，沙律醬既美味又充足 👇🏼沙嗲串燒(雞/豬各一串)$20，兩者質量都好，雞肉滑，豬肉嫩 👇🏼欖菜雞粒蔥花蛋炒飯$49，香噴噴的炒飯，不油膩，份量多，味道合我，且適合不愛鹹的人士 👇🏼凍鮮薑檸檬梳打$15，造型清新醒神，味道不錯，雖說是凍，但不是很冰凍，適合受不了太冰凍的人士。而我下次就要說多冰呢😁 👇🏼凍夏枯草$8、凍洛神花茶$8，欣賞有這些另類飲品選擇

今日去呢間餐廳叫咗一個早餐D，餐牌寫明係「香煎豬柳 或 黑椒雞扒 配腸仔、炒蛋及丹麥蒜蓉牛油多士」，然後落單個頁面顯示可以轉太陽蛋或者熟蛋，咁我揀咗太陽蛋，結果嚟到嘅時候得太陽蛋、雞扒同多士，而冇咗腸仔。我問職員，佢就有備而來咁樣講，話好多客人都咁問佢。腸仔同炒蛋係炒埋一齊，所以有太陽蛋就冇腸仔。 我心諗，個餐牌上面寫住「腸仔、炒蛋」，又唔係寫腸仔炒蛋，咁係誤導，同我埋單嘅時候同嗰個高級少少嘅職員講，佢就話：哦哦哦，我同公司講，同埋唔好阻住後邊收錢 咁嘅服務態度，真係冇下次:dislike:

雞扒🐓：雞皮煎得脆口，肉質 juicy，唔會油淋淋。 多士🍞：焗得香口，外脆內軟，蒜蓉味濃。 腸仔炒蛋🍳🥓：滑口。 柚子檸水🍋：味道👌，唔會淡然無味。 假日約10am 都幾多人，食完之後已經開始有人排隊。 職員勤快、主動。 裝修：感覺休閒，色調白色、木色為主。 光線：明亮。 座位：如果再 寬敞d 就更好。

(自費食評) 便宜下午茶😍 今天來到這間餐廳吃下午茶，他們下午茶十分便宜。 🥢$43 麻小二滷水鴨髀米線 (轉水晶粉)配麻辣湯底 麻辣湯底十分辣，湯底十分香濃，有一種很麻的感覺，適合喜歡吃辣的朋友:cry::wow:鴨脾肉質十分滑:D十分好味，不過斬左件比較沒有手感:D不知道如果要求不斬件上是否可以:really: 🥢$43 麻小二滷水鴨髀米線 配清雞湯底。 雞湯底十分清，不濃味麻麻地。清雞湯底多兩件魚腐:cry: :chopstick:$20沙嗲串燒(2串), 雞肉串燒，賣相吸引，沙嗲醬十分濃，雞肉串燒燒得不錯 :chopstick:$15 芝麻單骨雞翼 (4件) 炸得好脆口，但雞翼肉比較少:upset:比較瘦:frustrated: 熱柚子茶 凍咖啡(少甜)

唔知點解冇差評！個菜飯勁乾，又加咗姜，打破我對菜飯嘅印像！:dislike:冇下次嘅一間！ 寧願你小加精致呀！80幾蚊叫個餐！個出品係咁樣真係接受唔到囉！雖然待應嘅態度ok ！反正唔會有下次！:huffy:橙汁又係苦苦嘅！薯條又係成陣猪油炸，滷水雞翼淡到白灼加d滷水汁咁，儿童套餐炒飯又炒濃咗，紅烧牛肉菜飯個牛肉又有陣怪味，做埋d一次性生意真係好low ！希望你哋可以重視下出品啦！寧願食其他都唔會再入嚟，黑名單之一，試一次黑名單嘅舖，邊個食邊個知啦！

今日好開心同屋企人去咗濕地公園一間西餐廳，一間餐廳賣相裝修都好靚，好有格調，而且很時尚，已經俾佢嘅外貌深深吸引住了，而且呢一間餐廳位置於濕地公園附近，只需在輕鐵站一落車，行5分鐘就搵到呢間餐廳，真係好方便呀，而且在食物方面，食物嘅賣相都好好呀，裏面有好多選擇，有面，有肉燥飯，而且份量很多，一定可以食到好飽，而且最緊要係味道超級好，而且佢嘅擺盤都好有心思，證明呢一間嘅廚師都好有心做生意，而且侍應嘅服務都好好，有人情味有笑容，唔會港人走，服務一流，喺度食飯可以慢慢食，而且餐廳嘅空間都好足夠，每一張枱都好大，傾偈都好方便，好有私人空間，所以我覺得呢一間餐廳真係好值得人食，同埋聚聚都係一個好地方，所以住天水圍嘅人，一定要嚟食呢一間！:D:D:D:D

今日好開心同屋企人嚟咗一間濕地公園嘅餐廳，叫The farm , 係呀呢間係我食過咁多間西餐廳，最好食嘅餐廳，食物好有質素，好好食，所以我一定要推薦呢間，首先佢嘅環境係非常之優美寧靜，佢係鄰近濕地公園，所以附近係好少人，唔會太嘈吵，附近都係休憩用地，同埋好多樹木，好有世外桃源的感覺，所以呢間餐廳環境好優美，真係一流呀，可以好好享受食飯嘅時間，然後食物方面，都係非常之有質素，佢好有特色㗎，有菜飯，又有米線，每次嚟到揀食物的時候，我的朋友都會食得津津有味，個豬扒，個豬扒都好惹味，好油口感，好新鮮，而且係感覺上好有心思擺盤，所以我覺得呢度個廚師好值得一讚啦，然後侍應嘅服務都係一流，每次嚟到，使都係熱情招呼，好有心機回應問題，所以我覺得值得推薦呢一間餐廳，好鍾意:D:D:flower::flower::flower:

去完濕地公園hea時間 熱到汗流浹背 路過一田supermarket 過下冷河😂 買咗嘢唔想再四圍行 於是見到哩間餐廳幾闊落舒服 本住繼續涼冷氣 就入去食個tea 有港式西餐同大陸口味麵粥等 加埋背景播國語歌 隔離枱穿成「網美」打卡嘅女士…. 真係好似返咗大陸咁！ . 回魂啦 靠窗坐有溫暖陽光照耀 嘆著冷氣最緊要加杯凍檸茶 👶🏻終於可以小睡片刻 媽媽我都享受片刻me time . 食物組合好多樣化 所以揀咗陳醋皮蛋+魚柳飽薯條！ 好新奇的配搭 味道都不錯！ 本以為食tea細細份 點知超級大份 $60吃飽飽 嗰日晚餐都無再食嘢！ 埋單仲要請👶🏻食珍寶珠 有無咁sweet!!! 仲送咗free鮑魚嘅coupon 下次一於同老公再嚟食啦～

The Farm 係我覺得喺Wetland Season Park 商場入面比較有質素嘅一間餐廳，話晒都係紅螞蟻集團旗下嘅品牌。 -扎肉釀雞卷上海菜飯 $55 扎肉加雞肉配搭得天衣無縫，最初都喺度諗係點樣釀法，個樣望落有小小似鴨胸，會同時食到兩種肉嘅味道同口感。 -秘制三豉醬美國黑毛豬叉燒煎三蛋飯 $55 叉燒肉質唔會過腍，豉醬做到特別嘅鹹香，三隻蛋唔會煎到好熟，蛋汁撈埋啲飯一齊食，正！ 主食嘅份量對本人嚟講頗大，食量唔大嘅話，可以叫小一個。 每個主食可加一款小食同飲品: -香煎魚餅(3件) $8 外面香脆，裡面彈牙，唔多油。 -是日油菜 $10 -冷泡茉莉 $6 + 凍奶茶 $8 茉莉茶好香，好夠味。 奶茶茶底香濃，不錯。

星期六的下午，去濕地公園前揾吃，行經Wetland Season Park對出路邊的餐廳，見到這間餐廳，內部裝修帶點Cafe feel, 有中有西式食物任君選擇，叫咗叉燒煎蛋飯同德腸熱狗沙律，另加$8蚊香煎魚餅(三片)，首先下午茶價錢吃中午/晚餐的份量:o，煎蛋飯有兩隻蛋呀！,另外叉燒都有六七塊，仲要大大塊㗎。味道ok...如果喺豉油落啲功夫就仲正😅。特長熱狗真係長到嚇親你，比起刀叉還要長:o，真係好少食過咁長嘅熱狗呀！算喺抵吃！ 環境都算寫意，有太陽照入餐廳，坐喺窗邊幾舒服。

喺openrice相片見到佢有幾個飯好吸引，到最後就揀咗我想試吓嘅:balloon:台式肉燥溏心蛋蔥油雞排飯 :balloon:落完單先見到食評話啲雞扒好硬好乾 :really:但最後我食完覺得好正要為佢平反！:heart: 上次叫戶戶送等咗個幾鐘某快餐的burger都凍哂，今次叫飯反而超準時到達👍🏻 而且外賣送到黎所有野仲熱既👍🏻👍🏻好感動！:flower: :balloon:首先試左一口白飯，口感軟:bowl:入口剛好 :balloon:雞扒煎到好香 :yummy:雞皮咬落去有脆皮口感，有鹽香，火候控制剛剛好，配埋新鮮蔥花粒 食落好夾。 :balloon:肉燥9成係瘦肉為主，岩晒吾食肥肉既我，個汁香而帶少甜，不會太咸，整個肉燥好夠味，煮到夠晒軟身同入味，仲食到軟淋淋的冬菇粒:yummy:撈飯一流。另外一提，廚師都細心:like:汁份量吾會放得太多、都唔會放得太少。啱啱好夠撈肉燥下面嘅飯。而雞扒嗰邊嘅飯依然都係保持住白色，冇受肉燥汁撈亂。 :balloon:溏心蛋食落酸酸地同咸咸地！吞落去有點酒同醋的味 :king:總括而言，所有食物、醬汁、咸度都適中 食完超滿足。一個平平無奇的台式飯做到食完齒頰留香！非常期待堂食試下其他菜式。 （題外話，見佢餐單60幾蚊一個飯，叫外賣$88的確貴，不過偶爾叫一次，食物味道又可以，就算數:mad:）

今日經外賣平台叫咗幾樣嘢，依嗰家鄉雜菜餅燶到甘點食，點解廚房見到甘燶都照出比客! 係咪諗住外賣速遞無得追究？ 另外重有個陳皮小黃魚，食落去係凍架，嗰種凍係雪櫃拎出嚟直接食甘凍， 依間嘢:dislike::dislike::dislike:無下次😡😡😡

天水圍街坊揮手區 🙋🏽🙆🏻‍♀️ 呢區美食一向匱乏，商場唔係茶記就連鎖快餐店，近日濕地公園新樓盤 The Wetland 入伙後，陸續開咗啲新餐廳，以後又多幾個選擇啦 😛 稻神食堂裝修偏復古田園風，以為係食西餐？睇完 Menu 先知有台灣滷肉飯、酸菜魚米線同「麻小二」麻辣湯米線。 當日唔多肚餓就揀咗茶餐，特長熱狗真係童叟無欺，大隻過我手板嘅熱狗 🌭️ 脆皮腸加勁多茄汁同黃芥末，配埋蘋果薯仔沙律食極都食唔晒，先 $40 咋！😱 男朋友叫咗台式肉燥蔥油雞扒飯，大大碗同樣都係 $40，雞扒皮脆肉嫩配埋葱油夠香口，呢個價錢呢個份量好良心，好食過臺味多多聲 😆 下晝曬住太陽望住一片綠色，其實都幾舒服 🌿 濕地公園呢頭比較靜未必好旺場，住附近嘅不妨支持吓 💪🏻

味道麻麻，個餸勁少，呢個餐叫網上外賣平台要$90（未計運費）。冇下次.. 咖喱用個細兜裝住，連一半份量都冇，同埋味道真係超級普通，唔明點解可以賣咁貴。完全不推薦！

濕地公園附近新餐廳，下午茶非常之抵食， 而且選擇很多，有飯有麵有pizza，文青裝修靚，地方乾淨。 點左個麻辣牛肉米線，湯底同出面麻辣火鍋冇分別，非常之油…有浸辣油喺表面，同飲油冇乜分別，膽固醇爆標，下次唔敢再試麻辣系列…